ཡུ་ཨེཛ་གི་ཁྲོམ་ཚོགས་ ཕི་ལ་ཌེལ་ཕི་ཡ་ཟེར་སར་ གནམ་གྲུ་ཆུང་ཀུ་ཅིག་ལུ་ ཐུག་རྐྱེན་བྱུང་སྟེ་ མི་ ༦ ལུ་ཤི་རྐྱེན།

བི་བི་སི།
སྤྱི་ཟླ་ ༡ པའི་ཚེས་ ༣༡ གི་ཕྱི་རོ་ ཡུ་ཨེཛ་གི་ཁྲོམ་ཚོགས་ ཕི་ལ་ཌེལ་ཕི་ཡའི་ བྱང་ཤར་ཁ་ཐུག་ལུ་ གནམ་གྲུ་ཆུང་ཀུ་ཅིག་ སྒྲིང་ཁྱིམ་ལེ་ཤ་ཅིག་གུ་ བུད་སོངཔ་ལས་ སྡོད་ཁྱིམ་དང་ སྣུམ་འཁོར་ཚུ་ ལེ་ཤ་ཅིཁག་ར་ མེ་གིས་འཚིགས་ཡོདཔ་མ་ཚད་ ས་ཁར་སྡོད་མི་ མི་སེར་མང་རབས་ཅིག་ལུ་ཡང་ རྨ་སྐྱོན་བྱུང་ནུག།
དབང་འཛིན་ཚུ་གིས་ བཤད་དོ་བཟུམ་འབད་བ་ཅིན་ ནདཔ་སྐྱེལ་འདྲེན་འབད་མི་ གནམ་གྲུ་དེ་ ཐུག་རྐྱེན་བྱུང་པའི་སྐབས་ལུ་ ནད་གཡོགམ་ཨའི་ ༡ གནམ་གྲུའི་དེད་དཔོན་ ༡ དེད་དཔོན་ཞིབ་རིགས་ ༡ ཌོག་ཊར་ ༡ གསོ་བའི་ལས་བྱེདཔ་ ༡ འབདཝ་ད་ མི་གྲངས་ ༦ སྡོད་ནུག་ཟེར་ཨིན་པས།
གློ་བུར་གྱི་ ལཱ་འབད་མི་ཚུ་ དེ་འཕྲལ་ལས་ ཧབ་ཐོབ་རྐྱབ་སྟེ་ གནམ་གྲུའི༌རག༌རོ༌ཚུ༌ ཁ༌གཏོར༌ཏེ༌ཡོད༌མི༌ ས༌ཁོངས༌ནང༌ ལྷོད་ཡོདཔ་བཞིན་དུ་ མི་སེར་ཚུ་ ས་ཁོངས་དེ་ཁ་ལས་ ས་ཐག་རིང་སར་ སྡོད་དགོ་པའི་ བརྡ་ལན་འབད་ནུག།
ཐུག་རྐྱེན་སྐབས་ལུ་ མིག་གིས་མཐོང་མི་ཚུ་གིས་ ཐུག་རྐྱེན་དེ་ལུ་བརྟེན་ཏེ་ མི་ལེ་ཤ་ཅིག་ལུ་ རྨ་སྐྱོན་བྱུང་པའི་ཁར་ གཞི་བཀོད་ཚུ་ཡང་ མང་རབས་ཅག་ མེ་གིས་འཚིགས་ཡོདཔ་ལས་ ཟང་ཟིང་ཅན་གྱི་ གནས་སྟངས་ཅིག་ལུ་ གྱུར་སོང་ཡི་ཟེར་ཨིན་པས།
དེ་བསྒང་ ནདཔ་བུམོ་ཅུང་དེ་ གནས་སྟངས་འཚུབ་དྲགས་་སྦེ་ཡོདཔ་ལས་ ཡུ་ཨེཛ་ཨེ་ལུ་ སྨན་བཅོས་འབད་དེ་ མེག་སི་ཀོ་ ཏི་ཇུ་ན་ལུ་ ལོག་པའི་བསྒང་ ཐུག་རྐྱེན་དེ་ བྱུང་ཡོདཔ་སྦེ་ ཉེན་སྐྱོབ་སྡེ་ཚན་ལས་ ཤ་ཡི་གཱོལ་ཟེར་མི་གིས་ གསལ་བཤད་འབད་ནུག།
ཡུ་ཨེཛ་གི་ ཁྲོམ་ཚོགས་སྦོམ་ཤོས་ ༥ པ་ ཕི་ལ་ཌེལ་ཕི་ཡ་ལུ་ མི་རློབས་མང་སུ་ཡོད་སའི་ ས་ཁོངས་ནང་ ཐོག་ཚད་ཅན་གྱི་ སྡོད་ཁྱིམ་དང་ ཚོང་ཁང་ཚུ་གིས་ གང་སྟེ་ཡོདཔ་ད་ གནམ་གྲུ་དེ་ལུ་ ཐུག་རྐྱེན་བྱུངམ་ད་ མེ་སྦོམ་སྦེ་ར་ འབར་ཡོདཔ་སྦེ་ བཤདཔ་ཨིན་པས་ཟེར་ བཀོད་འདུག་པའི་གནས་ཚུལ།

Please follow and like us: