པ་ཀིཛ་ཏཱན་ལུ་ སྐྱབས་བཅོལ་བ་སྦེ་སྡོད་མི་ ཨཱཕ་ག་ནིཛ་ཏཱན་ན་གྱི་ མི་སེར་ཚུ་ ལོག་གཏང་ནི།

སི་ཨེན་ཨེན།
སྤྱི་ལོ་ ༢༠༢༡ ལུ་ ཨཱཕ་ག་ནིཛ་ཏཱན་ལུ་ ཏ་ལི་བཱན་གྱི་ གཞུང་བཙུགས་པའི་ཤུལ་ལས་ བྱང་ཨེཊ་ལེན་ཊིག་ ཆིངས་ཡིག་ཚོགས་པ་དང་ ཡུ་ཨེཛ་གི་ དམག་སྡེ་ཚུ་ནང་ ཕྱག་ཞུ་མི་ ཨཱཕ་ག་ནིཛ་ཏཱན་གྱི་ མི་སེར་ཚུ་ ཏ་ལི་བཱན་གཞུང་ལུ་ འཚེར་སྣང་བསྐྱེད་དེ་ པ་ཀིཛ་ཏཱན་ལུ་ བྲོས་ཟུར་ཐོག་ལས་ ཡུ་ཨེཛ་ལུ་ འགྱོ་ནི་གི་ རེ་བ་བསྐྱེད་དེ་སྡོད་ནུག།
ཨིན་རུང་ ད་རེས་ ཡུ་ཨེཛ་གིས་ སྐྱབས་བཅོལ་བ་ཚུ་ ནང་བསྐྱོད་འབད་མ་ཆོགཔ་སྦེ་བཟོཝ་ལས་ པ་ཀིཛ་ཏཱན་གྱིས་ ཁོང་རའི་རྒྱལ་ཁབ་ནང་ ལོག་གཏང་ནི་གི་ འཆར་གཞི་ཡོདཔ་ཨིན་པས།
དེ་ཡང་ ཡུ་ཨེཛ་སྲིད་འཛིན་གྱིས་ སྐྱབས་བཅོལ་བ་ཚུ་ ནང་བསྐྱོད་འབད་མ་ཆོག་པའི་ བཀོད་ཁྱབ་བཀའ་རྒྱ་ བཏོན་པའི་ཤུལ་ལུ་ པ་ཀིཛ་ཏཱན་གྱི་ བློན་ཆེན་ཡིག་ཚང་ལས་ ཨཱཕ་གྷན་གྱི་ མི་སེར་ཚུ་ སྤྱི་ཟླ་ ༣ པའི་ཚེས་ ༣༡ གི་ ནང་འཁོད་ལུ་ ལོག་སྟེ་ར་ ཁོང་རའི་རྒྱབ་ནང་ བསྐྱལ་ནི་ཨིན་པའི་ གོ་བརྡ་སྤྲོད་ནུག།
འཛམ་གླིང་སྤྱི་ཚོགས་ སྐྱབས་བཅོལ་ལས་སྡེ་དང་ རྒྱལ་སྤྱི་གཞིས་སྤོ་ལས་ཚོགས་ ༢ ཀྱིས་ ཨཱཕ་ག་ནིཛ་ཏཱན་གྱི་ མི་སེར་ཚུ་ ཁོང་རའི་རྒྱལ་ཁབ་ནང་ ལོག་བསྐྱལ་བ་ཅིན་ ཏ་ལི་བཱན་གཞུང་གིས་ སྡུག་སྦྱོང་གཏང་ནི་གི་ ཉེན་ཁ་ཡོདཔ་སྦེ་ བཤདཔ་ཨིན་ཟེར་ བཀོད་འདུག་པའི་གནས་ཚུལ།

Please follow and like us: