ཡུ་ཀེ་རེན་གྱི་ རྡུལ་ཕྲན་ནུས་ཤུགས་འཕྲུལ་ཁང་ མེདཔ་བཏང་ཡོདཔ།

བི་བི་སི།
སྤྱི་ཟླ་ ༢ པའི་ཚེས་ ༡༤ ལུ་ ཡུ་ཀེ་རེན་གྱི་སྲིད་འཛིན་ ཝོ་ལོ་ཌི་མིར་ ཟེ་ལེནཛ་ཀི་གིས་ གསུངས་དོ་བཟུམ་འབད་བ་ཅིན་ ར་ཤི་ཡ་གིས་ མཁའ་དམག་གནམ་གྲུ་ཆུང་བ་ ཌྲཱོན་གི་ཐོག་ལས་ གནོད་འཚུབ་བཀལ་མིའི་ནང་ ས་གནས་ཅེར་ནོ་ལུ་ཡོད་མི་ རྡུལ་ཕྲན་ནུས་ཤུགས་འཕྲུལ་ཁང་ མེདཔ་བཏང་ཡི་ཟེར་ཨིན་པས།
འཛམ་གླིང་སྤྱི་ཚོགས་ རྡུལ་ཕྲན་ནུས་ཤུགས་ བལྟ་རྟོག་ལས་ཚན་གྱིས་ ཡུ་ཀེ་རེན་གྱི་ རྡུལ་ཕྲན་ནུས་ཤུགས་འཕྲུལ་ཁང་ནང་ མེ་རྐྱེན་ཉེན་སྲུང་གི་ ལཱ་འབད་མི་ཚུ་གིས་ སྣུམ་འཁོར་ཚུ་ ལག་ལེན་འཐབ་སྟེ་ མེ་རྐྱེན་དེ་ བསད་ཚུགས་ཡོདཔ་ལས་ མི་ལུ་ཤི་རྐྱེན་དང་ སྨ་སྐྱོན་ཚུ་ མ་བྱུང་པའི་སྐོར་ལས་ སྙན་ཞུ་འབད་ནུག།
ཨིན་རུང་ གནོད་འཚུབ་དེ་ལུ་བརྟེན་ཏེ་ ད་རེས་ འཛམ་གླིང་སྤྱི་ཚོགས་ རྡུལ་ཕྲན་ནུས་ཤུགས་ བལྟ་རྟོག་ལས་ཚན་གྱིས་ དྲན་པ་འཐེབ་བཏོན་ཏེ་ སྡོད་དགོཔ་མ་གཏོགས་ སྣང་མེད་བསྐྱུར་ནི་གི་ ས་གོ་མིན་ཟེར་ཨིན་པས།
དེ་བཟུམ་མའི་ གནོད་འཚུབ་ལུ་བརྟེད་ཏེ་ ར་ཤི་ཡའི་སྲིད་འཛིན་ པུ་ཊིན་གྱིས་ འགྲིགས་ཆའི་དོན་ལས་ གྲ་སྒྲིག་མི་འབད་དོ་ཡོད་པའི་ རྟགས་མཚན་སྟོན་ཡོདཔ་སྦེ་ བཤདཔ་ཨིན་པས་ཟེར་ བཀོད་འདུག་པའི་གནས་ཚུལ།

Please follow and like us: