རྒྱ་གར་གྱིས་ ཡུ་ཨེཛ་རྒྱལ་ཁབ་ལས་ ས་སྣུམ་མང་སུ་སྦེ་ ནང་འདྲེན་འབད་ནི།

བི་བི་སི།
སྤྱི་ཟླ་ ༢ པའི་ཚེས་ ༡༤ ལུ་ ཡུ་ཨེཛ་གི་སྲིད་འཛིན་ ཌོ་ནཱལ་ཊཱམ་དང་ རྒྱ་གར་གྱི་བློན་ཆེན་ ན་རེན་ད་ར་ མོ་དི་ ༢ ཀྱི་བར་ན་ མཇལ་ཕྲད་མཛད་ཡོདཔ་བཞིན་དུ་ རྒྱ་གར་གྱིས་ ཡུ་ཨེཛ་ལས་ ས་སྣུམ་མང་སུ་སྦེ་ ནང་འདྲེན་འཐབ་ནི་ལུ་ ཞལ་འཇམ་བྱུང་ནུག།
དེ་ཡང་ འཕྲལ་ཁམས་ཅིག་ཁར་ སྲིད་འཛིན་ཊཱམ་གྱིས་ རྒྱ་གར་གྱིས་གཙོས་པའི་ ཡུ་ཨེཛ་དང་ ཚོང་འབྲེལ་འཐབ་མི་ མཉམ་རོགས་ཚུ་ལུ་ ཁྲལ་ཡར་སེང་གི་ གསལ་བསྒྲགས་འབད་བའི་ཤུལ་ལས་ བློན་ཆེན་མོ་དི་མཆོག་ ཉིན་གྲངས་ ༢ ཀྱི་ གཟིགས་སྐོར་ལུ་ བྱོན་ཡོདཔ་ཨིན་པས།
དེ་བསྒང་ བློན་ཆེན་མོ་དི་གིས་ ཡུ་ཨེཛ་གི་ ཅ་ཆས་ཚུ་གུ་ ནང་འདྲེན་གྱི་ ཁྲལ་ཕབ་ཆག་དང་ ཁྲིམས་མཐུན་ཡིག་ཆ་མེད་མི་ རྒྱ་གར་གྱི་ མི་སེར་ཚུ་ ཡུ་ཨེཛ་ལས་ བཏོན་བཏང་མི་ དེ་ལས་ ཕྱད་མདའི་གནམ་གྲུ་ ཉོ་ནི་ཚུ་གི་སྐོར་ལས་ སྦ་གསང་མེད་པའི་ གསུང་གྲོས་གནང་ཡི་ཟེར་གསུངས་ནུག།
སྲིད་འཛིན་ཊཱམ་གྱིས་ རྒྱལ་ཁབ་ ༢ ཀྱི་བར་ན་ ཚོང་འབྲེལ་རྩིས་ཆད་ཚུ་ བསུབ་ཐབས་ལུ་ རྒྱ་གར་གྱིས་ ཡུ་ཨེཛ་ལས་ ས་སྣུམ་འབོར་ཆེ་ཏོག་ཏོ་སྦེ་ ཉོ་ནི་སྦེ་ཨིནམ་ད་ རྒྱ་གར་དེ་ རྒྱལ་ཁབ་མ་འདྲཝ་ཚུ་ལས་ ས་སྣུམ་ནང་འདྲེན་འབད་མི་ཅིག་ཨིན་རུང་ ཡུ་ཨེཛ་དང་གཅིག་ཁར་ ཚོང་འབྲེལ་འཐབ་ནི་སྦེ་ བཟོ་མི་དེ་གིས་ རྒྱལ་ཁབ་གཉིས་ཆ་ར་ལུ་ ཁེ་ཕན་ཡོད་ལུགས་ བཤདཔ་ཨིན་པས་ཟེར་ བཀོད་འདུག་པའི་གནས་ཚུལ།

Please follow and like us: