བདེ་སྲུང་གཞི་བཙུགས་འབད་དེ་ མི་ལོ་ ༡༤ འཁོར་བའི་ དུས་སྟོན༌རྟེན༌བརྩི༌སྲུང༌།

སྤྱི་ཟླ་ ༢ པའི་ཚེས་ ༡༤ ལུ་ མི་རྗེ་བློན་ཆེན་མཆོག་གིས་ ཐིམ་ཕུ་ལུ་སྦེ་ བདེ་སྲུང་གཞི་བཙུགས་འབད་དེ་ མི་ལོ་ ༡༤ འཁོར་བའི་ དུས༌སྟོན༌བརྩི༌སྲུང༌ནང་ དབུ་བཞུགས་མཛད་ནུག།
དེ་བསྒང་ མི་རྗེ་བློན་ཆེན་མཆོག་གིས་ གསུངས་དོ་བཟུམ་འབད་བ་ཅིན་ བདེ་སྲུངཔ་ཚུ་གིས་ རང་དོན་རྒྱབ་ཁར་བསྐྱུར་ཏེ་ རྒྱལ་ཁམས་ལུ་ ཕྱག་ཞུ་མི་དེ་ལུ་ ངལ་རངས་ཡོད་ལུགས་དང་ དགོས་མཁོ་ཡོད་པའི་ དུས་ཚོད་ཚུ་ནང་ ངལ་བ་དང་དུ་བླངས་ཏེ་ རང༌སོའི༌བློ་འདོད་ཐོག་ལས་ དམ་ཚིག་འགྱུར་བ་མེད་པར་ ཕྱག་ཞུ་མི་ལུ་ ངལ༌རངས༌ཡོད་ཟེར༌ཨིན༌པས།
དེ་མ་ཚད་ བདེ་སྲུངཔ་ཚུ་གིས་ ཁྱད་དུ་འཕགས་པའི་ འགན་ཁུར་འབག་སྟེ་ འབྲུག་གཅིག་གིས་མ་དོ་བར་ ལུང་ཕྱོགས་ནང་ཡང་ གྲོགས་རམ་ཚུ་འབད༌དོ༌ཟེར་ཨིན༌པས།
མི་རྗེ་བློན་ཆེན་མཆོག༌གིས་ དུས་སྟོན་དེ་ རྒྱལ་ཁམས་ཀྱི་ མངོན་མཐོའི་དབུ་ཁྲིད་དང་ རྒྱལ་ཁབ་ལུ་ ཕྱག་ཞུ་ནི༌གི་ ཁས་ལེན་བསྐྱར་གསོའི་ དུས་སྐབས་ཅིག་ཡང༌ཨིནམ་ལས་ བདེ་སྲུངཔ་ཚུ་གི་ ཞབས་ཏོག་ལུ་ བརྩི་འཇོག་དང་ རྒྱལ་ཁབ་ལུ་ གཅེས་འཚིན་ཡོད་པའི་ བརྡ་མཚོན༌ལུ་ཨིན་ཟེར་ གསུངས་ཡོད༌པའི༌གནས༌ཚུལ།

Please follow and like us: