སྤུ་ན་ཁའི་རྫོང་ནང་ ལོ་བསྟར་གནང་སྲོལ་ཡོད་མི་ མགོན་དབང་སྒྲུབ་ཆེན།

སྤུངས་ཐང་བདེ་ཆེན་ཕོ་བྲང་ནང་ གཞུང་གྲྭ་ཚང་གི་ རྡོ་རྗེ་སློབ་དཔོན་མཆོག་ དབུ་བཞུགས་ཐོག་ལུ་ ཚོགས་ཀྱི་སློབ་དཔོན་མཆོག་དང་ དགེ་འདུན་ཞལ་གྲངས་ ༣༥༠ ལྷགཔ་ཅིག་གིས་ ལོ་བསྟར་གནང་སྲོལ་ཡོད་པའི་ མགོན་དབང་སྒྲུབ་ཆེན་ ཐེངས་ ༣༨༣ པ་འདི་ གནང་དོ་ཡོདཔ་ཨིན་པས།
དེ་ཡང་ ཤིང་སྦྲུལ་ཟླཝ་ ༡༢ པའི་ཚེས་ ༢༣ སྤྱི་ཟླ་ ༢ པའི་ཚེས་ ༢༠ ལས་ འགོ་བཙུགས་ཡོདཔ་ད་ རང་ཟླ་ ༡ པའི་ཚེས་ ༩ སྤྱི་ཟླ་ ༣ པའི་ཚེས་ ༨ ལུ་ གསེར་སྦྲེང་དང་བཅས་པའི་སྒོ་ལས་ འགྲོལ་གནང་ནི་ཨིནམ་སྦེ་ མགོན་དབང་སྒྲུབ་ཆེན་གྱི་ ལས་རིམ་ནང་བཀོད་ནུག།
དེ་ལས་ རང་ཟླ་ ༡ པའི་ཚེས་ ༡༠ སྤྱི་ཟླ་ ༣ པའི་ཚེས་ ༩ ལས་ འགོ་བཙུགས་ཏེ་ ཉིན་གྲངས་ ༣ གྱི་རིང་ལུ་ གནང་ནི་ཨིན་མི་ ཚེས་བཅུའི་གར་འཆམ་ཚུ་ མི་མང་ལུ་ མཇལ་ཁ་གནང་ཐོག་ལས་ རང་ཟླ་ ༡ པའི་ཚེས་ ༡༢ སྤྱི་ཟླ་ ༣ པའི་ཚེས་ ༡༡ ལུ་ འགྲོལ་གནང་ནི་ཨིན་པས།
སྒྲུབ་ཆེན་དེ་ཡང་ དུས་རབས་བཅུ་བདུན་པ་ རབ་བྱུང་ ༡༡ པའི་ གནམ་ལོ་ཆུ་ཕོ་རྟ་ལོ་ སྤྱི་ལོ་ ༡༦༤༢ ལུ་ མགོན་པོའི་དབང་ཆོག་རྒྱས་པའི་ སྒྲུབ་མཆོད་ཆེན་མོ་འདི་ གཞི་བཙུགས་མཛད་གནང་ཡོད་པའི་གནས་ཚུལ།

Please follow and like us: