རྒྱ་མཚོའི་ནང་ གྲུ་ཆུང་ ༤ ཐིམས་སོངཔ་ལས་ མི་ ༢ ལུ་ ཤི་རྐྱེན་དང་ ༡༨༦ བྱང་སྟོར།

ཨཱལ་ཇ་ཟི་ར།
སྤྱི་ཟླ་ ༣ པའི་ཚེས་ ༧ ལུ་ ཡེ་མེན་དང་ ཇི་བུ་ཏི་ལུ་ ཨ་ཕི་རི་ཀ་ལས་ སྐྱབས་བཅོལ་བ་ཚུ་འབག་མི་ གྲུ་ཆུང་ ༤ རྒྱ་མཚོའི་ནང་ ཐིམས་སོངཔ་ལས་ མི་ ༢ ལུ་ ཤི་རྐྱེན་དང་ གཞན་མི་ ༡༨༦ དེ་ཅིག་ བྱང་སྟོར་ཤོར་ནུག་ཟེར་ཨིན་པས།
དེ་ཡང་ གྲུ་ཆུང་གི་ དེད་གཡོགཔ་ ༢ སྲོག་སྐྱབས་འབད་རུང་ འགྲུལ་པ་ ༡༨༡ དང་ དེད་གཡོགཔ་ ༥ བྱང་སྟོར་ཤོར་ཡོདཔ་སྦེ་ཨིནམ་ད་ གྲུ་ཆུང་དེ་ཚུའི་ཐོག་ལས་ འགྲུལ་བསྐྱོད་འབད་མི་ཚུ་ཡང་ མང་ཤོས་ཅིག་ར་ ཨི་ཐི་ཡོ་པི་ཡ་ལས་དང་ ཁོང་གི་གྲས་ཁར་ ཉུང་ཤོས་ར་ ཨམ་སྲུ་ ༥༧ ཡོདཔ་བཟུམ་ཅིག་འདུག་ཟེར་བཀོད་ནུག།
མ་གཞི་ སྲོག་སྐྱབས་ཀྱི་ ལཱ་ཚུ་འབད་བའི་བསྒང་ཡོད་རུང་ འགྲུལ་པ་ཚུ་ གསོན་པོ་སྦེ་འཐོབ་པར་ ལཱ་ཁག་འོང་ནི་མས་ཟེར་ཨིན་པས།
དེ་སྦེ་ ཐུག་རྐྱེན་བྱུང་མི་ གྲུ་ཆུང་ ༤ གི་གྲས་ལས་ གྲུ་ཆུང་ ༢ ཨ་ཕི་རི་ཀའི་རྒྱལ་ཁབ་ ཇི་བུ་ཏི་ཟེར་མིའི་ རྒྱ་མཚོའི་ནང་ ཐིམས་ཡོདཔ་ད་ གྲུ་ཆུང་ ༢ ཀྱི་ འགྲུལ་པ་ག་ར་ སྲོག་སྐྱབས་འབད་ཚུགས་ཡོད་རུང་ སྐྱབས་བཅོལ་བ་ ༢ ཀྱི་ཐེད་ཁར་ ཤི་རྐྱེན་བྱུང་ནུག་ཟེར་ བཀོད་འདུག་པའི་གནས་ཚུལ།

Please follow and like us: