རྒྱ་ནག་གི་ ཅ་ཆས་ལུ་ ཡུ་ཨེཛ་གིས་ ཁྲལ་ཡར་སེང་འབད་མི་དེ་གིས་ ཡུ་ཨེཛཁོང་རའི་ ལས་སྡེ་ཚུ་ལུ་གྱོང་རྒུད།

བི་བི་སི།
ཡུ་ཨེཛ་གི་སྲིད་འཛིན་ ཌོ་ནཱལ་ཊཱམ་གྱིས་ རྒྱ་ནག་ལས་ ནང་འདྲེན་འབད་མི་ ཅ་ཆས་ཚུ་ལུ་ ཁྲལ་བརྒྱ་ཆ་ ༢༥ རེ་ ཡར་སེང་འབད་མི་དེ་གིས་ འཕྲུལ་རིག་གློག་ཐག་དང་ ཡན་ལག་ཅ་ཆས་ཚུ་ ནང་འདྲེན་འབད་ནི་དེ་ གནས་གོང་མཐོ་དྲགས་ཅིག་ལུ་ གྱུར་ཏེ་ཡོདཔ་ལས་ འཕྲུལ་རིག་ཚོང་སྡེ་ཚུ་ མ་རྩ་རྩ་སྟོང་ ཐལ་ནི་བཟུམ་ཅིག་ཡོདཔ་སྦེ་བཀོད་ནུག།
དེ་ཡང་ སྲིད་འཛིན་ཊཱམ་གྱིས་ ཡུ་ཨེཛ་ལུ་ ཕྱིར་ཚོང་འཐབ་མི་ རྒྱལ་ཁབ་ཚུ་གིས་ ཁྲིམས་འགལ་ཐོག་ལས་ སྨྱོ་རྫས་ཚུ་ སྐྱེལ་འདྲེན་འབད་ནི་དང་ ཕྱི་མི་ནང་བསྐྱོད་འབད་ནི་ཚུ་ བཀག་ཐབས་ལུ་ཨིནམ་སྦེ་ གསུངས་ཡོདཔ་མ་ཚད་ དེ་བཟུམ་མའི་ སྲིད་བྱུས་དེ་གིས་ ཡུ་ཨེཛ་ལུ་ བཟོ་སྐྲུན་གྱི་ལཱ་ཚུ་ སྔར་བ་ལྷགཔ་སྦེ་ གོང་འཕེལ་གཏང་སྟེ་ ཕྱི་ནང་སྤྲོད་ལེན་ གོ་སྙོམས་བཟོ་ཐབས་ལུ་ཨིནམ་སྦེ་ཡང་ གསུངས་ཡོདཔ་ཨིན་པས།
ཨིན་རུང་ ཧེ་མ་འབད་བ་ཅིན་ དེ་བཟུམ་མའི་ ཁྲལ་ཡར་སེང་ཚུ་ རིམ་པ་བཞིན་དུ་སྦེ་ ཡར་སེང་འབདཝ་ཨིན་རུང་ ད་རེས་ ཤོ་ཐེངས་ཅིག་ལུ་ར་ ཡར་སེང་སྦོམ་འབད་ཡོདཔ་ལས་ འགྲུལ་འཕྲིན་དང་ གློག་རིག་ཀམ་པིའུ་ཊར་ ལག་ཐོག་གློག་རིག་ཚུ་གི་ ཁྲལ་ཡར་སེང་ལས་ཡང་ལྷག་སྟེ་ ཅ་ཆས་གཞན་ཚུ་ལུ་ ཕོག་དོ་ཡོདཔ་སྦེ་བཀོད་ནུག།
བྱང་ཨ་མི་རི་ཀའི་ ཉེས་སྤྱོད་འཕྲུལ་རིག་ཚོགས་པའི་ སྲིད་འཛིན་འོགམ་ ཨེཌ་བིར་ཛིད་ཝ་གིས་ ཁྲལ་ཡར་སེང་དེ་ཚུ་ ཕྱིར་ཚོང་འཐབ་མི་གིས་མིན་པར་ ཡུ་ཨེཛ་ཁོང་ར་གིས་ སྤྲོད་དགོ་དོ་ཡོདཔ་ལས་ ཨ་མི་རི་ཀའི་ ཚོང་ལཱ་དང་ ཉོ་སྤྱོད་འབད་མི་ཚུ་ལུ་ སྡུག་སྦྱོང་གི་ གཞི་ཅིག་ཨིན་པས་ཟེར་ བཤད་ཡོདཔ་ཨིན་པས།
ད་རེས་ཀྱི་ གཞུང་འབྲེལ་གནད་སྡུད་དང་འཁྲིལཝ་ད་ རྒྱ་ནག་གིས་ ལོ་རེའི་ནང་ ཡུ་ཨེཛ་ལུ་ ཌོ་ལར་ཐེར་འབུམ་ ༡༤༦ རེའི་ འཕྲུལ་རིག་ཐོན་སྐྱེད་ཚུ་ ཕྱིར་ཚོང་ཐབ་དོ་ཡོདཔ་ཨིན་པས་ཟེར་ བཀོད་འདུག་པའི་གནས་ཚུལ།

Please follow and like us: