ཨིཛ་རེལ་གྱིས་ ག་ཟའི་མི་རིགས་ལུ་ དབང་བཙོང་འདོད་སྤྱོད་འབད་བའི་ཁ་ཉེས།

རོའི་ཊརཛ།
འཛམ་གླིང་སྤྱི་ཚོགས་ཀྱི་ མཁས་མཆོག་ཚུ་གིས་ ཨིཛ་རེལ་དང་ ཧ་མཱཛ་གི་བར་ན་ ཕྱད་མདའ་རྐྱབ་པའི་སྐབས་ལུ་ ཨིཛ་རེལ་གྱིས་ ག་ཟ་ཁྲོམ་ཚོགས་ནང་ཡོད་མི་ པེ་ལིཛ་ཊིན་གྱི་ ཨམ་སྲུའི་གསོ་བའི་མཐུན་རྐྱེན་ཚུ་ རིམ་པ་བཞིན་དུ་ མེདཔ་བཏང་སྟེ་ ཕྱད་མདའི་ཐབས་བྱུས་སྦེ་ དབང་བཙོང་འདོད་སྤྱོད་ཚུ་ ལག་ལེན་འཐབ་ཡོད་པའི་ ཁ་ཉེས་བཀལ་ཡོདཔ་ཨིན་པས།
ཨིན་རུང་ ཨིཛ་རེལ་གྱི་བློན་ཆེན་ བེན་ཇ་མིན་ ནེ་ཏ་ནི་ཡ་ཧུ་གིས་ དེ་བཟུམ་མའི་ སྙན་ཞུ་དེ་ ཕྱོགས་རིས་ཅན་ཅིག་ཨིནམ་སྦེ་ ངོས་ལེན་འབད་མ་བཏུབ་པར་ཡོདཔ་ད་ ཁོ་གིས་འབད་བ་ཅིན་ སྙན་ཞུ་དེ་ནང་ ཧ་མཱཛ་དྲག་ཐོག་དབང་བཙོང་དམག་སྡེ་གིས་ འགྲོ་བ་མིའི་རྒྱབ་འགལ་ལུ་ གནོད་འགེལ་ལག་ལེན་ཚུ་དང་ ཕྱད་མདའི་གནོད་འགེལ་ཚུ་ལུ་ གཙོ་བོར་མ་བཟུང་པར་ ཨིཛ་རེལ་ལུ་ རྫུན་བཟོའི་ཁ་ཉེས་ཚུ་ བཀལཝ་ཨིན་པས་ཟེར་བཤད་ནུག།
འཛམ་གླིང་སྤྱི་ཚོགས་ རྒྱལ་སྤྱིའི་རང་དབང་ལྷན་ཚོགས་ཀྱིས་ ཨིཛ་རེལ་གྱི་ དབང་འཛིན་ཚུ་གིས་ ག་ཟ་ཁྲོམ་ཚོགས་ལུ་ཡོད་མི་ པེ་ལིཛ་ཊིན་མི་རིགས་ཀྱི་ རིགས་བརྒྱུད་སྤེལ་ཐབས་ཀྱི་ ལྕོགས་གྲུབ་ཚུ་ མེདཔ་བཏང་ཡོད་མི་དེ་ཡང་ སྐྱེ་རྒྱུན་འཕྲོ་བཅད་ཀྱི་ ཐབས་ལམ་ཚུ་ ལག་ལེན་འཐབ་མི་དེ་ རིགས་བརྒྱུད་རྩ་མེད་ གཏང་ཐབས་ཀྱི་གྲངས་སུ་ཚུདཔ་སྦེ་ བཤདཔ་ཨིན་པས་ཟེར་ བཀོད་འདུག་པའི་གནས་ཚུལ།

Please follow and like us: