ཀེ་ན་ཌའི་ བློན་ཆེན་གསརཔ་བསྐོ་བཞག།

ཨཱལ་ཇ་ཟི་ར།
སྤྱི་ཟླ་ ༣ པའི་ཚེས་ ༡༤ ལུ་ ཀེ་ན་ཌའི་བློན་ཆེན་ ཇཱཛ་ཊིན་ཊུ་ཌོ་གི་ གནས་ཡུན་ལོ་ངོ་ ༡༠ ཚང་སོངཔ་ལས་ མཱག་ཀར་ནེ་ཟེར་མི་དེ་ བློན་ཆེན་གསརཔ་སྦེ་ བསྐོ་བཞག་འབད་ཡོདཔ་ཨིན་པས།
སྐྱེས་ལོ་ ༥༩ འབད་མི་ བློན་ཆེན་གསརཔ་དེ་ དངུལ་ཁང་ལག་ལེན་པ་ཅིག་ཨིནམ་ད་ ཁོ་གིས་ ལྷན་རྒྱས་གཞུང་ཚོགས་ཀྱི་ འཐུས་མི་ཚུ་ ངོས་འཛིན་གྲུབ་པའི་སྐབས་ལུ་ ཡུ་ཨེཛ་གིས་ ཁྲལ་ཡར་སེང་ཚུ་གི་ གདོང་ལེན་ཚུ་ ཀེ་ན་ཌའི་དོན་ལུ་ གཙོ་བོར་བཟུང་ནི་ཨིན་པའི་ ཁས་ལེན་འབད་ནུག།
ཀེ་ན་ཌའི་ རྒྱལ་ཁམས་ཀྱི་ དབུ་ཁྲིད་དེ་ བི་རི་ཊེན་གྱི་ རྒྱལཔོ་ཅཱར་ལིས་ཨིནམ་ད་ ཀེ་ན་ཌའི་ བློན་ཆེན་གསརཔ་ བསྐོ་བཞག་སྐབས་ལུ་ ཡོངས་ཁྱབ་སྤྱི་འཛིན་ མེ་རི་སི་མཱོན་གྱིས་ རྒྱལཔོ་ཅཱར་ལིཛ་གི་ སྐུ་ཚབ་སྦེ་ ཨོ་ཊ་ཝ་ལུ་ བློན་ཆེན་གསར་བསྐོའི་ རྟེད་འབྲེལ་བརྩི་སྲུང་འབད་ཡོདཔ་ཨིན་པས།
ཧེ་མའི་བློན་ཆེན་སྐབས་ལུ་ ལྷན་རྒྱས་གཞུང་ཚོགས་ནང་ འཐུས་མི་ ༣༠ ལྷགཔ་ཅིག་ཡོད་ས་ལས་ བློན་ཆེན་གསརཔ་གིས་ ༢༤ གུ་ ཕབ་ཡོདཔ་ད་ འཐུས་མིའི་གྲས་ཁར་ འཐུས་མི་གསར་རྙིང་ཚུ་ བླ་བསྲེས་སྦེ་ཡོད་རུང་ ཧེ་མའི་འཐུས་མི་ ལ་ལོ་ཅིག་ལུ་ འགན་ཁུར་གསརཔ་བཀལ་ནུག་ཟེར་ བཀོད་འདུག་པའི་གནས་ཚུལ།

Please follow and like us: