སྲིད་འཛིན་པུ་ཊིན་གྱིས་ ཡུ་ཀེ་རེན་གྱི་ ཁ་ཐུག་ལས་ ཕམ་ཁ་ལེན་དགོ་པའི་ནན་སྐུལ།

ཨེ་བི་སི།
ཡུ་ཨེཛ་གི་སྲིད་འཛིན་ ཌོ་ནཱལ་ཊཱམ་གྱིས་ ར་ཤི་ཡའི་སྲིད་འཛིན་ ཝཱལ་ཌི་མིར་ པུ་ཊིན་ལུ་ ཡུ་ཀེ་རེན་དང་གཅིག་ཁར་ ཕྱད་མདའ་མཚམས་འཇོག་གི་སྐོར་ལས་ གསུང་གྲོས་གནང་པའི་ཤུལ་ལུ་ ར་ཤི་ཡ་གིས་ ཡུ་ཀེ་རེན་གྱི་ དམག་མི་ཚུ་གི་ ཚེ་སྲོག་ལུ་ གནོདཔ་མ་བཀལ་ཟེར་ ནན་སྐུལ་འབད་བའི་ལན་ལུ་ པུ་ཊིན་གྱིས་ ཡུ་ཀེ་རེན་གྱི་ ཁ་ཐུག་ལས་ ཕམ་ཁ་ལེན་དགོཔ་སྦེ་ བཤད་ཡོདཔ་ཨིན་པས།
དེ་ཡང་ སྤྱི་ཟླ་ ༣ པའི་ཚེས་ ༡༣ ལུ་ ཕྱད་མདའ་མཚམས་འཇོག་གི་ གསུང་གྲོས་དེ་ ག་ནི་བ་ཡང་ ལེགས་ཤོམ་དང་ གྲུབ་འབྲས་ཅན་ཅིག་སྦེ་ སོང་ཡི་ཟེར་ཨིནམ་ད་ དམར་བསད་ལུ་བརྟེན་པའི་ ཕྱད་མདའ་འདྲོག་སི་སི་དེ་ མཇུག་བསྡུ་གཏང་ནི་ལུ་ གོ་སྐབས་ལེགས་ཤོམ་ཅིག་ཡང་ཨིན་པས་ཟེར་བཀོད་ནུག།
ཨིན་རུང་ ཡུ་ཀེ་རེན་གྱི་ དམག་མི་སྟོང་ཕྲག་ལས་བཅད་མི་ཚུ་ ར་ཤི་ཡའི་ དམག་མི་ཚུ་གིས་ མཐའ་བསྐོར་ཏེ་ཡོདཔ་ལས་ གནས་སྟངས་དེ་ ག་ནི་བ་ཡང་ ཉེན་ཁ་ཅན་ཅིག་ལུ་ གྱུར་ཏེ་ཡོད་ཟེར་ཨིན་པས།.
སྲིད་འཛིན་ཊཱམགྱིས་ སྲིད་འཛིན་པུ་ཊིན་ལུ་ དེ་སྦེ་ ཚེ་སྲོག་ལུ་ གནོདཔ་བཀལ་མི་དེ་ འཛམ་གླིང་དམག་ཆེན་ ༢ པ་ལས་ལྷག་སྟེ་ དམར་བསད་ཀྱི་གྲངས་སུ་ ཚུད་ནི་ཨིན་པའི་སྐོར་ལས་ སླབ་ཡོདཔ་སྦེ་ བཤདཔ་ཨིན་པས་ཟེར་ བཀོད་འདུག་པའི་གནས་ཚུལ།

Please follow and like us: