བེང་ཀོག་ལུ་ ས་ཁ་ལས་འཐུ་སྟེ་ བཟོ་བསྐྲུན་འབད་བའི་བསྒང་ཡོད་མི་ འཁོར་ལམ་བརྡིབས་རྐྱེན།

ཨེ་བི་སི།
སྤྱི་ཟླ་ ༣ པའི་ཚེས་ ༡༥ ལུ་ མཐའ་ཡས་ལེན་གྱི་རྒྱལ་ས་ བེང་ཀོག་ལུ་ ས་ཁ་ལས་འཐུ་སྟེ་ བཟོ་བསྐྲུན་འབད་བའི་བསྒང་ཡོད་མི་ འཁོར་ལམ་དེ་ བརྡིབས་འགྱོ་བའི་ རྐྱེན་ངན་ནང་ མི་ ༥ ལུ་ ཤི་རྐྱེན་དང་ ༢༤ ལུ་ རྨ་སྐྱོན་བྱུང་ནུག།
སྐྱེལ་འདྲེན་བློན་པོ་ སུ་རི་ཡ་ཇུང་རུང་ གེ་རེང་ཀིཏ་གིས་ བཤད་དོ་བཟུམ་འབད་བ་ཅིན་ རྐྱེན་ངན་དེ་ནང་ གྱོང་རྒུད་ཕོག་མི་ཚུ་ལུ་ འབྲེལ་ཡོད་ཁག་འབགཔ་དང་ ལས་སྡེ་ཚུ་གིས་ རྒུད་འཐུས་ཚུ་ སྤྲོད་དགོཔ་སྦེ་ཨིནམ་ད་ ཤི་རྐྱེན་བྱུང་མི་ཚུ་ཡང་ ལས་མི་ ༤ དང་ བཟོ་རིག་འགོ་དཔོན་ ༡ ཨིན་པས།
མཐའ་ཡས་ལེན་ མགྱོགས་ལམ་དབང་འཛིན་གྱིས་ འཁོར་ལམ་རིང་ཚད་ ཀི་ལོ་མི་ཊར་ ༥ དེ་ཅིག་ ས་ཁ་ལས་འཐུ་སྟེ་ བཟོ་བསྐྲུན་གྱི་ ལཱ་འབད་ནི་དེ་ སྤྱི་ལོ་ ༢༠༢༢ ལས་ འགོ་བཙུགས་ཡོདཔ་སྦེ་ ཡོངས་འབྲེལ་ནང་བཀོད་ནུག།
ལས་སྡེའི་སྤྱི་འཛིན་ སུ་ར་ཅེད་ ལའོ་ཕུལ་སུག་གིས་ འཁོར་ལམ་བརྡིབས་འགྱོ་མིའི་ རགས་རོ་ཚུ་ ག་དེ་མགྱོགས་མགྱོགས་ བསལ་ཐབས་འབད་དོ་ཟེར་ཨིན་རུང་ ལཱ་མཇུག་བསྡུ་ནི་ལུ་ བདུན་ཕྲག་ ༡ དེ་ཅིག་ འགོར་ནི་བཟུམ་ཡོདཔ་སྦེ་ བཤདཔ་ཨིན་པས་ཟེར་ བཀོད་འདུག་པའི་གནས་ཚུལ།

Please follow and like us: