ལྷུན་རྩེ་ཨའུ་མཚོ་རྣམ་གྲོལ་གླིང་ དགོན་འཛིན་གྲྭ་ཚང་ནང་ ལོ་བསྟར་ཐུགས་རྗེ་ཆེན་པོའི་སྒྲུབ་མཆོད།

ལྷུན་རྩེ་ཨའུ་མཚོ་རྣམ་གྲོལ་གླིང་ དགོན་འཛིན་གྲྭ་ཚང་ནང་སྦེ་ ལོ་བསྟར་ཐུགས་རྗེ་ཆེན་པོའི་སྒྲུབ་མཆོད་ ཐེངས་ ༡༡ པ་ གནང་མི་དེ་ ད་རིས་ རང་ཟླ་ ༡ པའི་ཚེས་ ༡༧ སྤྱི་ཟླ་ ༣ པའི་ཚེས་ ༡༦ གི་དྲོ་པར་ དངོས་གྲུབ་བླངས་བ་དང་བཅསཔ་སྦེ་ འགྲོལ་གནང་ནི་ཨིན་པས།
དེ་ཚེ་ཉིན་མར་ དཔལ་ལྡན་དུད་གསོལ་ལྷ་མོའི་ ཚོགས་འཁོར་བསྐོར་གནང་ནི་དང་ རང་ཟླ་ ༡ པའི་ཚེས་ ༡༨ སྤྱི་ཟླ་ ༣ པའི་ཚེས་ ༡༧ ལུ་ ཐུགས་རྗེ་ཆེན་པོ་ སྤྱན་རས་གཟིགས་ཀྱི་ མཐོང་གྲོལ་ཆེན་མོ་ མི་མང་ལུ་ མཇལ་ཁ་གནང་ནི་ཨིན་པས།
སྒྲུབ་མཆོད་དེ་ སྐྱབས་རྗེ་རྗེ་མཁན་རིན་པོ་ཆེ་མཆོག་ དབུ་བཞུགས་ཐོག་ལུ་ བླ་སློབ་དང་ དགེ་སློང་ཞལ་གྲངས་ ༢༠༠ ལྷགཔ་ཅིག་གིས་ རང་ཟླ་ ༡ པའི་ཚེས་ ༨ སྤྱི་ཟླ་ ༣ པའི་ཚེས་ ༧ ལས་ འགོ་བཙུགས་ཡོདཔ་ད་ དེ་ཡང་ སྤྱིར་འཛམ་གླིང་རྒྱལ་སྤྱིའི་ནང་ ཞི་བདེ་འབྱུང་ཐབས་ལུ་དང་ ལྷག་པར་དུ་ འབྲུག་རྒྱལ་ཁབ་ཀྱི་ སྐུ་རིམ་ལུ་དམིགས་ཏེ་ གནངམ་ཨིན་པའི་ གནས་ཚུལ་མདོར་བསྡུས།

Please follow and like us: