སྤྱི་ལོ་ ༢༠༢༤ ལོར་ རང་སོའི་རྒྱལ་ཁབ་སྤངས་ཏེ་ འགྱོ་མི་ཚུ་ལུ་ ཤི་རྐྱེན་མཐོ་ཤོས།

ཨཱལ་ཇ་ཟི་ར།
སྤྱི་ཟླ་ ༣ པའི་ཚེས་ ༢༡ ལུ་ འཛམ་གླིང་སྤྱི་ཚོགས་ ཕྱི་མི་ནང་བསྐྱོད་ལས་སྡེ་གིས་ བཤད་དོ་བཟུམ་འབད་བ་ཅིན་ ན་ཧིང་གི་ལོ་ནང་ རང་སོའི་རྒྱལ་ཁབ་སྤངས་ཏེ་ རྒྱལ་ཁབ་གཞན་ཁར་ འགྱོ་མི་ཚུ་གི་གྲས་ལས་ མི་གྲངས་ ༩,༠༠༠ དེ་ཅིག་ལུ་ ཤི་རྐྱེན་བྱུང་ནུག་ཟེར་ཨིན་པས།
དེ་ཡང་ སྤྱི་ལོ་ ༢༠༢༠ ལས་ཚུར་ འགྲུལ་བསྐྱོད་འབད་བའི་སྐབས་ལུ་ དེ་བཟུམ་མའི་ ཤི་རྐྱེན་བྱུང་མི་དེ་ ལོག་ལྟབ་ཀྱིས་ ཡར་སེར་སོང་ནུག།
དེ་སྦེ་ ཤི་རྐྱེན་གྱི་གྱངས་ཁ་ ཡར་སེང་འགྱོ་མི་དེ་ བཟོད་མ་ཚུགསཔ་ཅིག་དང་ ལོ་བསྟར་བཞིན་དུ་ མི་གྲངས་སྟོང་ཕྲག་ལས་བཅད་དེ་ ངོས་འཛིན་འབད་མ་ཚུགས་པར་ ལུས་ཡོདཔ་ལས་ དེ་བ་ཡང་ལྷག་སྟེ་ ཤི་རྐྱེན་བྱུང་བྱུངམ་འོང་ཟེར་ཨིན་པས།
འཛམ་གླིང་གི་ ལུང་ཕྱོགས་ལེ་ཤ་ཅིག་ནང་ ཤི་རྐྱེན་ཡར་སེང་འགྱོ་མི་ལུ་བལྟ་བ་ཅིན་ དེ་བཟུམ་མའི་ ཚེ་སྲོག་བརླག་སྟོར་ བཀག་ཐབས་ལུ་ རྒྱལ་སྤྱིའི་ཁ་ཐུག་ལས་ ངོས་ལེན་སྒྲིང་སྒྲིང་དགོཔ་ཡོད་པའི་ བརྡ་མཚོན་སྟོནམ་ཨིན་པས་ཟེར་ བཀོད་འདུག་པའི་གནས་ཚུལ།

Please follow and like us: