ཊར་ཀིའི་རྒྱལ་ཁབ་ ངོ་རྒོལ་འགྲེམ་སྟོན།

བི་བི་སི།
ཊར་ཀིའི་མངའ་སྡེ་ ཨིཛ་ཏཱན་བཱུལ་གྱི་སྤྱི་འཛིན་ ཨེ་ཀེ་རེམ་ ཨི་མ་མོག་ལུ་དེ་ སྤྱི་ལོ་ ༢༠༢༨ ལོར་ འགོ་འདྲེན་འཐབ་ནི་ཨིན་མི་ སྲིད་འཛིན་བཙག་འཐུའི་ནང་ འདེམས་ངོ་སྦེ་ གདམ་འཐུ་འབད་ནིའི་གུ་ལྷོདཔ་ད་ ངན་ལྷད་དང་ དྲག་ཐོག་དབང་བཙོང་འབད་མི་ལུ་ གྲོགས་རམ་འབད་བའི་ ཉེས་འཛུགས་ཐོག་ལུ་ ཁྲིམས་སྲུང་འགག་སྡེ་གིས་ འཛིན་བཟུང་འབད་ཡོདཔ་ཨིན་པས།
ཨི་མ་མོག་ལུའི་སྲིད་ཚོགས་ རེ་པབ་ལི་ཀཱན་ པི་པཱལ་པར་ཊི་དེ་ སྲིད་འཛིན་གྱི་ དོ་འགྲན་ནང་ ད་ལྟོ་ཡོད་མི་ སྲིད་འཛིན་རི་སེབ་ཏ་ཡིབ་ ཨེར་ཌོ་གཱན་གྱི་ བྱང་ཕྱད་དྲག་ཤོས་ཅིག་ཨིནམ་ད་ ཨི་མ་མོག་ལུ་དང་གཅིག་ཁར་ སྲིད་དོན་གྱི་ ལཱ་འབད་མི་དང་ གནས་ཚུལ་བསྡུ་བཀོདཔ་ ཚོང་པ་ཚུ་འབདཝ་ད་ མི་གྲངས་ ༡༠༠ ལྷགཔ་ཅིག་ ཞིབ་དཔྱད་ཀྱི་དོན་ལུ་ འཛིན་བཟུང་འབད་ནུག།
དེ་སྦེ་ འཛིན་བཟུང་འབད་བའི་ཤུལ་ལུ་ རྒྱལ་ཁབ་ནང་ ངོ་རྒོལ་འགྲེམ་སྟོན་ཚུ་ འགོ་བཙུགས་ཡོདཔ་ད་ སྲིད་འཛིན་རི་སེབ་ཏ་ཡིབ་ཀྱིས་ བཤད་དོ་བཟུམ་འབད་བ་ཅིན་ ངོ་རྒོལ་འགྲེམ་སྟོན་འབད་མི་ཚུ་གིས་ འཕྲོག་བཅོམ་དང་ དྲག་སྤྱོད་ལཱ་ངན་འབད་མི་ཚུ་ལུ་ ཁ་ཉེས་བཀལ་ཏེ་ མི་མང་གི་ སྒྲིག་འཛིན་ལུ་ བར་ཆད་རྐྱབ་མི་དེ་ལུ་ ངོས་ལེན་མི་འབད་ཟེར་ཨིན་པས།
ཨིཛ་ཏཱན་བཱུལ་ལུ་ མི་སེར་སྟོང་ཕྲག་ལས་བཅད་མི་ཚུ་གིས་ ངོ་རྒོལ་འགྲེམ་སྟོན་ འགོ་འདྲེན་འཐབ་མི་ལུ་ ཁྲིམས་སྲུང་འགག་སྡེ་གིས་ ཀྲོབ་མདའི་གྱིབ་ལྡེའུ་ཚུ་ ལག་ལེན་འཐབ་ཨིན་པས་ཟེར་ བཀོད་འདུག་པའི་གནས་ཚུལ།

Please follow and like us: