མི་དབང་མཆོག་གིས་ ན་གཞོན་གསེར་གྱི་རྟགས་མའི་ནང་ གྲལ་གཏོགས་འབད་མི་ཚུ་དང་མཇལ་ཕྲད།

པདྨ་དབང་འདུས།
སྤྱི་ཟླ་ ༣ པའི་ཚེས་ ༢༡ ལུ་ མི་དབང་མངའ་བདག་རིན་པོ་ཆེ་མཆོག་གིས་ འབྲུག་ན་གཞོན་གོང་འཕེལ་མ་དངུལ་གྱི་ ལོ་བསྟར་ལས་རིམ་གཙོ་བོ་ ན་གཞོན་གསེར་གྱི་རྟགས་མ་ ཐེངས་ ༡༧ པའི་ནང་ གྲལ་གཏོགས་འབད་མི་ཚུ་དང་ མཇལ་ཕྲད་མཛད་གནང་ནུག།
ལས་རིམ་དེ་ཡང་ སྤྱི་ཟླ་ ༣ པའི་ཚེས་ ༡༧ ལས་ ༢༣ ཚུན་ བདུན་ཕྲག་ ༡ གི་རིང་ ཐིམ་ཕུ་ལུ་སྦེ་ རྫོང་ཁག་རེ་ལས་ བུཚུ་ ༢ རེ་དང་ བུམོ་ ༢ རེ་འབདཝ་ད་ སློབ་ཕྲུག་བསྡོམས་ ༨༠ གི་དོན་ལུ་ འགོ་འདྲེན་འཐབ་དོ་ཡོདཔ་ཨིན་པས།
ན་གཞོན་གསེར་གྱི་རྟགས་མ་དེ་ སྤྱི་ལོ་ ༢༠༠༥ ལུ་ མི་དབང་རྒྱལ་ཡུམ་ ཚེ་རིང་པདྨོ་དབང་ཕྱུག་མཆོག་གིས་ འགོ་བཙུགས་གནང་ཡོདཔ་ད་ ལས་རིམ་དེ་གིས་ ན་གཞོན་ཚུ་གི་རྒྱུད་ལུ་ འགོ་ཁྲིད་གོམས་འདྲིས་ཀྱི་ ཤེས་ཡོན་འཐོབ་ནི་དང་ ལོ་བསྟར་བཞིན་དུ་ གསེར་གྱི་རྟགས་མ་ཐོབ་མི་ལུ་ འཛམ་གླིང་ནང་ ཡོངས་གྲགས་ཅན་གྱི་ སློབ་གྲྭ་ཚུ་ནང་ སློབ་གཉེར་གྲོགས་རམ་ཚུ་ གནང་དོ་ཡོདཔ་ཨིན་པའི་གནས་ཚུལ།

Please follow and like us: