ལྷོ་ཀོ་རི་ཡ་ལུ་ སྤང་མེ་བྱུང་མིའི་ནང་ མི་གྲངས་ ༡༨ ལུ་ ཤི་རྐྱེན་དང་ ༢༠ དེ་ཅིག་ལུ་རྨ་སྐྱོན།

ཨཱལ་ཇ་ཟི་ར།  

ལྷོ་ཀོ་རི་ཡའི་ ཤར་ལྷོ་ལུང་ཕྱོགས་ལུ་ སྤང་མེ་བྱུང་མིའི་ནང་ མི་གྲངས་ ༡༨ ལུ་ ཤི་རྐྱེན་དང་ ༢༠ དེ་ཅིག་ལུ་ རྨ་སྐྱོན་བྱུང་ཡོདཔ་ད་ མེ་རྐྱེད་དེ་ མཚམས་འཛིན་འབད་ནིའི་དོན་ལས་ མེ་གསད་མི་དང་ དམག་མི་སྟོང་ཕྲག་ལས་བཅད་དེ་ བཙུགས་ཡོདཔ་ཨིན་པས།

མེ་རྐྱེན་དེ་ཡང་ སྤྱི་ཟླ་ ༣ པའི་ཚེས་ ༢༡ ལས་ འགོ་བཙུགས་ཏེ་ འབར་ཡོདཔ་ད་ དེ་སྦེ་ མེ་གསད་མི་ཚུ་ མང་རབས་ཅིག་ བཙུགས་ཡོད་རུང་ རླུང་མ་ཤུགས་སྦེ་ འཕུ་བའི་ཁར་ ས་སྐམ་རྡོ་སྐམ་འབད་ནི་དེ་གིས་ མེ་རྐྱེན་མཚམས་འཛིན་འབད་ནི་ལུ་ གདོང་ལན་སྦོམ་སྦེ་ར་ བྱུང་སྟེ་ཡོད་ཟེར་ གཞུང་འབྲེལ་གནས་ཚུལ་ལས་སྡེ་ ཡཱོན་ཧབ་ནང་བཀོད་ནུག།

མེ་རྐྱེན་དེ་ ལྷོ་ཀོ་རི་ཡའི་རྒྱལ་ས་ སི་འཱུལ་ལས་ ཀི་ལོ་མི་ཊར་ ༡༨༠ དེ་ཅིག་གི་ ས་ཁར་ཡོད་མི་ ཤར་ལྷོ་ལུང་ཕྱོགས་ཀྱི་ས་གནས་ ཨན་དོང་དང་ ཅེ་ཨོང་སོང་ ཡེ་ཨོང་ཡང་ ཡེ་ཨོང་ཌེ་ཨོག་ཚུ་ནང་ ཁྱབ་སྤེ་སོང་སྟེ་ཡོདཔ་ཨིན་པའི་ གནས་ཚུལ་མདོར་བསྡུས།