དགེ་ལེགས་ཕུག་ དྲན་ཤེས་ཁྲོམ་ཚོགས་ནང་ གསར་བཞེངས་མཛད་མི་ རྟ་འབབ་མཆོད་རྟེན་གུ་ གསེར་ཏོག་བཀལ་གནང་ཡོདཔ།

གནམ་ལོ་ཤིང་སྦྲུལ་ཟླཝ་ ༡ པའི་ཚེས་ ༢༨ སྤྱི་ཟླ་ ༣ པའི་ཚེས་ ༢༧ ལུ་ གཟའ་སྐར་དགེ་བའི་ཉིན་མར་ དགེ་ལེགས་ཕུག་ རང་སྐྱོང་ལུང་ཕྱོགས་ཀྱི་ དྲན་ཤེས་ཁྲོམ་ཚོགས་ནང་ གསར་བཞེངས་གནང་པའི་བསྒང་ཡོད་མི་ རྟ་འབབ་མཆོད་རྟེན་གུ་ གསེར་ཏོག་བཀལ་གནང་ནུག།

དེ་ཡང་ མི་དབང་མངའ་བདག་རིན་པོ་ཆེ་མཆོག་གི་ ཐུགས་ཀྱི་དགོངས་གཏེར་ལས་འཁྲུངས་པའི་ དགེ་ལེགས་ཕུག་ དྲན་ཤེས་ཁྲོམ་ཚོགས་ཀྱི་ ལས་འགུལ་འདི་ལུ་ འགལ་རྐྱེན་བར་ཆད་ཚུ་ ག་ནི་ཡང་མེད་པར་ ལེགས་ཤོམ་སྦེ་ འགྲུབ་ཐབས་སུ་དམིགས་ཏེ་ གཞུང་གྲྭ་ཚང་གིས་ འགོ་འདྲེན་མཛད་དེ་ བཞེངས་གནང་དོ་ཡོདཔ་ཨིན་པས།

རྟ་འབབ་མཆོདརྟེན་གུ་ གསེར་ཏོག་བཀལ་གནང་པའི་ མཛད་སྒོའི་རྟེན་འབྲེལ་ནང་ དགེ་ལེགས་ཕུག་ གྲྭ་ཚང་གི་ བླམ་གནས་བརྟན་མཆོག་ དབུ་བཞུགས་ཐོག་ལུ་ དྲན་ཤེས་ཁྲོམ་ཚོགས་ཀྱི་སྤྱི་འཛིན་ དྲགོས་ཌོག་ཊར་བློ་གྲོས་ཚེ་རིང་དང་ གྲྭ་ཚང་ལྷན་ཚོགས་ཀྱི་དྲུང་ཆེན་ དེ་ལས་ རྫོང་བདག་ཚུ་གིས་གཙོས་པའི་ ཆེ་མཐོའི་འགོ་དཔོན་ཚུ་གིས་ གྲལ་གཏོགས་མཛད་ཡོད་པའི་ གནས་ཚུལ་མདོར་བསྡུས།