ཨའུ་མཚོ་རྣམ་གྲོལ་གླིང་ དགོན་འཛིན་གྲྭ་ཚང་ནང་ དགོངས་འདུས་སྐོང་ཆོག།

ལྷུན་རྩེ་ཨའུ་མཚོ་རྣམ་གྲོལ་གླིང་ དགོན་འཛིན་གྲྭ་ཚང་ནང་ སྐྱབས་རྗེ་རྗེ་མཁན་རིན་པོ་ཆེ་མཆོག་ དབུ་བཞུགས་ཐོག་ལུ་ བླ་སློབ་དང་ དགེ་སློང་ཞལ་གྲངས་ ༢༠༠ ལྷགཔ་ཅིག་གིས་ དགོངས་འདུས་སྐོང་ཆོག་ལས་བྱང་སྔ་ཕྱིའི་ཆུ་རྒྱུན་གཅིག་བསྡུས་ཆབ་ཀྱི་བུམ་བཟང་གི་ གསུང་ཆོག་གནང་དོ་ཡོདཔ་ཨིན་པས།

དེ་ཡང་ རང་ཟླ་ ༢ པའི་ཚེས་ ༡༠ སྤྱི་ཟླ་ ༤ པའི་ཚེས་ ༧ ལས་ འགོ་བཙུགས་ཡོདཔ་ད་ དེ་བཟུམ་མའི་ གསུང་ཆོག་དེ་ གཙོ་བོ་ར་ ཚེ་ལས་འདས་མི་ཚུ་གི་དོན་ལས་ གནང་དོ་ཡོདཔ་ཨིན་རུང་ དུ་ཅི་ དམིགས་བསལ་གྱིས་ ཡབ་གཤགས་མིའི་ སྐུ་མཆོད་སྦེ་ སྐྱབས་རྗེ་རིན་པོ་ཆེ་མཆོག་གིས་ སྦྱིན་བདག་མཛད་དེ་ གནངམ་ཨིན་ཟེར་ རྣམ་གྲོལ་གླིང་ དགོན་འཛིན་གྲྭ་ཚང་གི་ ཕེཛ་བུག་ནང་ བཀོད་གནང་ནུག།

ཉིན་གྲངས་ ༧ གྱི་རིང་ལུ་གནང་མི་ དགོངས་འདུས་སྐོང་ཆོག་དེ་ རང་ཟླ་ ༢ པའི་ཚེས་ ༡༦ སྤྱི་ཟླ་ ༢ པའི་ཚེས་ ༡༤ ལུ་ འགྲོལ་གནང་ནི་ཨིན་པའི་ གནས་ཚུལ་མདོར་བསྡུས།