ལྷོ་ཀོ་རི་ཡའི་ ཁྲིམས་སྲུང་འགག་སྡེ་གིས་ སྲིད་འཛིན་བགྲེསཔ་གི་ ཡིག་ཚང་ཧང་བཅོམ།

ཨེན་ཌི་ཊི་ཝི།
སྤྱི་ཟླ་ ༤ པའི་ཚེས་ ༡༦ ལུ་ ལྷོ་ཀོ་རི་ཡའི་ ཁྲིམས་སྲུང་འགག་སྡེ་གིས་ སྲིད་འཛིན་བགྲེསཔ་ ཡུན་སུག་ཡོལ་གྱི་ ཡིག་ཚང་དང་ ཁོ་གི་ཉེན་སྲུང་ཁ་གསལ་ཚུ་ལུ་ ཧང་བཅོམ་འབད་ཡོདཔ་ཨིན་པས།
དེ་ཡང་ ན་ཧིང་ སྤྱི་ཟླ་ ༡༢ པའི་ནང་ སྲིད་འཛིན་བགྲེསཔ་ ཡུན་སུག་ཡོལ་གྱིས་ དམག་ཁྲིམས་གསལ་བསྒྲགས་འབད་བ་ལུ་བརྟེན་ཏེ་ སྤྱི་ཚོགས་ནང་ལས་ ཕྱིར་དབྱུང་འབད་ནུག།
དེ་ལས་ སྤྱི་ཟླ་དང་པའི་ནང་ སྲིད་འཛིན་བགྲེསཔ་ ཡུན་སུག་ཡོལ་དེ་ ཁྲིམས་སྲུང་འགག་སྡེ་གིས་ འཛིན་བཟུང་འབད་ཡོདཔ་ད་ ལྷོ་ཀོ་རི་ཡའི་ རྒྱལ་ཁབ་ཀྱི་དབུ་ཁྲིད་ དེ་སྦེ་ འཛིན་བཟུང་འབད་མི་དེ་ འགོ་དང་པ་ཨིན་པས།
དེ་ཚེ་ ཁྲིམས་སྲུང་འགག་སྡེ་གིས་ སྲིད་འཛིན་བགྲེསཔ་གི་ ཡིག་ཚང་དང་ སྡོད་ཁྱིམ་ཚུ་ནང་ འཚོལ་ཞིབ་དང་ གསང་བའི་འགྲུལ་འཕྲིན་སར་བཱར་ཚུ་ འཕྱོག་བཟུང་འབད་ཡོད་ཡོདཔ་མ་ཚད་ ཉེན་སྲུང་ཡིག་ཚང་དང་ ཉེན་སྲུང་འགོ་དཔོན་གྱི་ སྡོད་ཁྱིམ་ཚུ་གི་ནང་ཡང་ བཙན་འཛུལ་འབད་ནུག་ཟེར་ བཀོད་འདུག་པའི་གནས་ཚུལ།

Please follow and like us: