ཡུ་ཀེ་རེན་གྱིས་ རྒྱ་ནག་གི་ ཚོང་སྡེ་ ༣ བཀག་དམ།

རོའི་ཊརཛ།
རྒྱ་ནག་གིས་ ར་ཤི་ཡ་ལུ་ མཚོན་ཆ་བཀྲམ་སྤེལ་འབད་བའི་ ཉེས་འཛུགས་འབད་བའི་ཤུལ་ལས་ ཡུ་ཀེ་རེན་གྱིས་ སྤྱི་ཟླ་ ༤ པའི་ཚེས་ ༡༨ ལུ་ རྒྱ་ནག་གི་ ཚོང་སྡེ་ ༣ བཀག་དམ་འབད་ནུག།
རྒྱ་ནག་གི་ ཕྱི་འབྲེལ་ལྷན་ཁག་ལས་ བཤད་དོ་བཟུམ་འབད་བ་ཅིན་ ཡུ་ཀེ་རེན་གྱི་སྲིད་འཛིན་ ཟེ་ལེནཛ་ཀི་གིས་ དེ་བཟུམ་མའི་ ཉེས་འཛུགས་བཀལ་མི་དེ་ བདེ་ཁུངས་མེདཔ་སྦེ་ ཆ་མེད་བཏང་ཡི་ཟེར་ཨིན་པས།
ར་ཤི་ཡ་གིས་ ཡུ་ཀེ་རེན་ལུ་ ལོ་ངོ་ ༣ གྱི་རིང་ དམག་འཁྲུག་ལང་མིའི་ནང་ ར་ཤི་ཡ་དང་གཅིག་ཁར་ དཔལ་འབྱོར་གྱི་ མཐུན་ལམ་དམ་ཟབ་ཐོག་ལས་ རྒྱ་ནག་གིས་ བར་གནས་ཀྱི་ དཔར་རིས་ཅིག་ བཏོན་ནི་ལུ་ འབད་རྩོལ་བསྐྱེད་ཡོདཔ་མ་ཚད་ དམག་འཁྲུག་ནང་ འབྲེལ་གཏོགས་མེདཔ་སྦེ་ཡང་ གསལ་བཤད་འབད་ནུག།
ཡུ་ཀེ་རེན་གྱིས་ བཀག་དམ་འབད་མི་ ཚོང་སྡེ་ཚུ་གི་ དུས་མཐུན་ཐོ་ཡིག་ཅིག་ གསར་བཏོན་འབད་མིའི་ནང་ ར་ཤི་ཡའི་ཚོང་སྡེ་ བེ་ཇིང་མཁའ་འགྲུལ་དང་ མཁའ་འགྲུལ་ཞིང་ཧུའི་འཕྲུལ་རིག་ཚོང་སྡེ་ རུའི་ཇིན་འཕྲུལ་ཆས་ཚོང་སྡེ་ དེ་ལས་ ཞོང་ཕུ་ཤེ་ཉིང་ ཀར་བོན་ཕའི་བཱར་ ཞི་ནིང་ཚོང་སྡེ་ཚུ་ག་ར་ རྒྱ་ནག་ལུ་ ཐོ་བཀོད་འབད་དེ་ཡོདཔ་སྦེ་ བཤད་ཡོདཔ་ཨིན་པས།
ཡུ་ཀེ་རེན་ལུ་ ཚོང་སྡེ་དེ་ཚུ་གིས་ ཚོང་འབྲེལ་འཐབ་མ་ཆོགཔ་སྦེ་ བཀག་དམ་འབད་ཡོད་རུང་ ཁོང་གི་རྒྱུ་དངོས་ཚུ་ བཀག་དམ་གྱི་ཐོ་ནང་ ག་ཅི་སྦེ་ བཙུགས་ཡོདཔ་ཨིན་ནའི་སྐོར་ལས་ བརྡ་དོན་ཁ་གསལ་ཚུ་ བྱིན་མ་བཏུབ་སྦེ་བཀོད་ནུག།
སྤྱི་ལོ་ ༢༠༢༡ ལུ་ ཡུ་ཀེ་རེན་གྱིས་ རྒྱ་ནག་ལུ་ ཌོ་ལར་ཐེར་འབུམ་ ༨ དེ་ཅིག་གི་ ཚོང་ཟོག་ཚུ་ ཕྱིར་ཚོང་འཐབ་ཡོད་མི་དེ་ཡང་ མང་ཤོས་ཅིག་ རྒྱུ་ཆ་དང་ སོ་ནམ་ཐོན་སྐྱེད་ཚུ་ཨིནམ་ད་ ཡུ་ཀེ་རེན་གྱིས་ རྒྱ་ནག་ལས་ ཌོ་ལར་ཐེར་འབུམ་ ༡༡ དེ་ཅིག་གི་ ཚོང་ཟོག་ཚུ་ ནང་འདྲེན་འབད་ཡོདཔ་སྦེ་ བཤདཔ་ཨིན་པས་ཟེར་ བཀོད་འདུག་པའི་གནས་ཚུལ།

Please follow and like us: