ཀོང་གོ་ལུ་ ཤིང་གྲུ་ཅིག་ མེ་གིས་འཚིགས་ཏེ་ མགོ་མཇུག་ལོག་འགྱོ་མིའི་ནང་ ལམ་འགྲུལཔ་ ༡༤༨ ལྷགཔ་ཅིག་ལུ་ཤི་རྐྱེན།

རོའི་ཊརཛ།
སྤྱི་ཟླ་ ༤ པའི་ཚེས་ ༡༨ ལུ་ ཀོང་གོ་རྒྱལ་ཁབ་ནང་ ཤིང་གྲུ་ཅིག་ མེ་གིས་འཚིགས་ཏེ་ གཙང་ཆུའི་ནང་ མགོ་མཇུག་ལོག་སྟེ་ ཡར་སོངཔ་ལས་ མི་གྲངས་ ༡༤༨ ལྷགཔ་ཅིག་ལུ་ ཤི་རྐྱེན་བྱུང་ནུག།
དེ་བསྒང་ ཤིང་གྲུ་དེ་ནང་ ཨམ་སྲུ་དང་ ཨ་ལུ་ཚུ་བརྩིས་ཏེ་ འགྲུལ་པ་ ༥༠༠ དེ་ཅིག་ སྡོད་ཡོདཔ་ད་ ཀོང་གོའི་གྲུ་ཚུ་ལུ་ དེ་བཟུམ་མའི་ གནོད་སྐྱོན་བྱུང་མི་དེ་ མང་ཤོས་ཅིག་ར་ ཤིང་གྲུ་རྙིངམ་ཚུ་ ལག་ལེན་འཐབ་སྟེ་ གཡུས་ཚན་ཚུ་གི་བར་ན་ གཙང་ཆུའི་གུ་ལས་ སྐྱེལ་འདྲེན་འབད་ནི་དེ་གིས་ཨིན་པས།
ཤིང་གྲུ་ཐུག་རྐྱེན་བྱུང་སའི་ གཙང་ཆུ་དེ་ནང་ལས་ ད་ལྟོའི་བར་ན་ཡང་ བྱང་སྟོར་ཤོར་མི་ མི་བརྒྱ་ལས་བཅད་དེ་ འཚོལ་མ་ཐོབ་པར་ཡོདཔ་སྦེ་ དགོ་དཔོན་ཚུ་གིས་ སྙན་ཞུའི་ནང་བཀོད་ནུག།
མི་གྲངས་ ༡༠༠ དེ་ཅིག་ སྲོག་སྐྱབས་འབད་དེ་ ས་གནས་ཀྱི་ ཁྲོམ་སྡེ་ཚོགས་ཁང་ནང་ བསྐྱལ་ཡོདཔ་མ་ཚད་ རྨ་སྐྱོན་བྱུང་མི་ཚུ་ཡང་ སྨན་ཁང་ཚུ་ནང་ བསྐྱལ་ཡོདཔ་སྦེ་ བཤདཔ་ཨིན་པས་ཟེར་ བཀོད་འདུག་པའི་གནས་ཚུལ།

Please follow and like us: