རྒྱ་གར་དང་ པ་ཀིཛ་ཏཱན་ལུ་ དྲོད་ཤུགས་ཀྱི་ ཚད་གཞི་དེ་ ཉེན་ཁ་ཅན་སྦེ་ཡར་སེང་།

སི་ཨེན་ཨེན།
རྒྱ་གར་དང་ པ་ཀིཛ་ཏཱན་ རྒྱལ་ཁབ་ ༢ ཀྱི་ནང་ མི་སེར་ས་ཡ་ལས་བཅད་དེ་ སྡོད་མི་ཚུ་ལུ་ གནམ་བྱཱར་གྱི་ སྔ་གོང་ལས་ར་ ཚ་དྲོད་སྦོམ་སྦེ་ར་ བཏགས་ཡོདཔ་ལས་ དཀའ་ངལ་བྱུང་དོ་ཡོདཔ་ཨིན་པས།
དེ་ཡང་ བདུན་ཕྲག་འདི་ནང་ དྲོད་ཤུགས་ཀྱི་ ཚད་གཞི་དེ་ ག་ནི་བ་ མགྱོགས་དྲགས་དང་ ཉེན་ཁ་ཅན་སྦེ་ ཡར་སེང་འགྱོཝ་ལས་ རྒྱལ་ཁབ་ཀྱི་ གནམ་གཤིས་ལས་ཁུངས་ཀྱིས་ དུས་ཡུན་རིངམོ་སྦེ་ར་ གནས་ནི་ཨིན་པའི་ སྔོན་དཔག་འབད་ནུག།
མ་གཞི་ རྒྱལ་ཁབ་གཉིས་ཆ་རའི་ནང་ གནམ་བྱར་གྱི་ དུས་ཚོད་དེ་ སྤྱི་ཟླ་ ༥ པ་དང་ ༦ པ་ལས་ འགོ་བཙུགསཔ་ཨིན་རུང་ དུས་ཅི་ ཚ་དྲོད་དེ་ སྤྱིར་བཏང་ལུ་ ཧ་སུ་སྦེ་ ཐོན་ཡོདཔ་ལས་ སྤྱི་ཟླ་ ༤ པའི་ཚེས་ ༡༤ ལས་ ༡༨ ཚུན་ལུ་ པཱ་ཀིཛ་ཏཱན་གྱི་ ས་གནས་ཚུ་ནང་ དྲོད་ཚད་ཌི་གི་རི་སེལ་ཤིཛ་ ༨ དེ་ཅིག་ཁར་ ལྷོད་ཡོདཔ་ཨིན་པས།
དེ་བཟུམ་སྦེ་ དུས་ཅི་ པཱ་ཀིཛ་ཏཱན་གྱི་ ལྷོ་ནུབ་ས་གནས་ བཱ་ལོ་ཅི་ཛ་ཏཱན་ལུ་ དྲོད་ཚད་མཐོ་ཤོས་ ཌི་གི་རི་སེལ་ཤིཛ་ ༤༩ ལུ་ ལྷོད་ནི་ཨིན་པའི་ སྔོན་དཔག་ཡང་འབད་ཡོདཔ་སྦེ་ བཤདཔ་ཨིན་པས་ཟེར་ བཀོད་འདུག་པའི་གནས་ཚུལ།

Please follow and like us: