འབྲུག་ལུ་ མཐའ་ཡས་ལེན་གྱི་ མི་དབང་རྒྱལཔོ་མཆོག་གི་གཟིགས་སྐོར།

སྤྱི་ཟླ་ ༤ པའི་ཚེས་ ༢༥ ལུ་ མཐའ་ཡས་ལེན་གྱི་རྒྱལཔོ་ མི་དབང་མཧཱ་ ཝ་ཇི་ར་ལོང་ཀཱོན་ ཕ་ར་ ཝ་ཇི་རག་ལོ་ཅོ་ཡུ་ཧཱ་མཆོག་དང་ མི་དབང་རྒྱལ་བཙུན་ སུ་ཐི་ད་ བ་ཇ་ར་སུ་དྷ་བི་མ་ལ་ལག་ཤ་ན་མཆོག་ འབྲུག་རྒྱལ་ཁབ་ནང་ གཞུང་འབྲེལ་གཟིགས་སྐོར་ལུ་ འབྱོན་ནི་ཨིན་པས།
དེ་ཡང་ མི་དབང་མངའ་བདག་རིན་པོ་ཆེ་མཆོག་གིས་ མགྲོན་བརྡ་མཛད་གནང་མི་དང་བསྟུན་ཏེ་ འབྱོན་ནི་ཨིནམ་ད་ མི་དབང་མཧཱ་ ཝ་ཇི་ར་ལོང་ཀཱོན་མཆོག་ རྒྱལ་པོའི་གསེར་ཁྲིར་ ཕེབས་ཞིནམ་ལས་ ཕྱི་རྒྱལ་ལུ་ ཆིབས་བསྐྱོད་གནང་མི་དེ་ འགོ་དང་པ་ཨིན་པས།
འབྲུག་ལུ་ དེ་སྦེ་ གཟིགས་སྐོར་གནང་མི་དེ་གིས་ འབྲུག་དང་ མཐའ་ཡས་ལེན་གྱི་བར་ན་ ཧེ་མ་ལས་ཡོད་པའི་ མཐུན་ལམ་འདི་ རྩ་བརྟན་འགྱོ་ནི་ཨིནམ་ད་ མི་དབང་རྒྱལཔོ་མཆོག་དང་ མི་དབང་རྒྱལ་བཙུན་མཆོག་ སྤྱི་ཟླ་ ༤ པའི་ཚེས་ ༢༨ ལུ་ ལོག་འབྱོན་ནི་ཨིན་པའི་ གནས་ཚུལ་མདོར་བསྡུས།

Please follow and like us: