ར་ཤི་ཡ་གིས་ ཡུ་ཀེ་རེན་ལུ་ གནོད་འཚུབ་བཀལཝ་ལས་ མི་ ༩ ལུ་ཤི་རྐྱེན།

ཨེ་བི་སི།
སྤྱི་ཟླ་ ༤ པའི་ཚེས་ ༢༤ ལུ་ ཡུ་ཀེ་རེན་གྱི་ འགོ་དཔོན་ཚུ་གིས་ བཤད་དོ་བཟུམ་འབད་བ་ཅིན་ ར་ཤི་ཡ་གིས་ ཡུ་ཀེ་རེན་གྱི་ རྫོང་ཁག་ཚུ་དང་ ཀི་ཡིབ་ས་ཁོངས་ཚུ་ནང་ སྡོད་ཁྱིམ་ལེ་ཤ་ཅིག་ལུ་ ནུབམོ་ཅིག་གི་རིང་ གནོད་འཚུབ་བཀལཝ་ལས་ མི་ ༩ ལུ་ ཤི་རྐྱེན་དང་ ལེ་ཤ་ཅིག་ལུ་ རྨ་སྐྱོན་བྱུང་ནུག་ཟེར་ཨིན་པས།
དེ་ཡང་ མི་ཛ་ཡེལ་ ༧༠ དེ་ཅིག་དང་ མི་མེད་པའི་ མཁའ་དམག་གནམ་གྲུ་ཆུང་བ་ ཌཱོན་ ༡༥༠ ལྷགཔ་ཅིག་ བཏང་ཐོག་ལས་ ཞི་བདེ་ཅན་གྱི་ ཁྲོམ་ཚོགས་དང་ ཡུ་ཀེ་རེན་གྱི་ སྡོད་ཁྱིམ་མང་རབས་ཅིག་ལུ་ གནོད་འཚུབ་བཀལ་ཡོདཔ་སྦེ་བཀོད་ནུག།
རྐྱེན་ངན་དེ་ནང་ ཨ་ལོ་ ༦ བརྩིས་ཏེ་ མི་གྲངས་ ༨༠ ལྷགཔ་ཅིག་ལུ་ རྨ་སྐྱོན་བྱུང་མི་ཚུ་གི་གྲས་ལས་ མི་གྲངས་ ༤༢ དེ་ཅིག་ སྨན་ཁང་ཚུ་ནང་ སྨན་བཅོས་འབད་དོ་ཡོདཔ་སྦེ་ཨིན་པས།
མ་གཞི་ ད་རེས་ནངས་པ་ ཡུ་ཀེ་རེན་དང་ ར་ཤི་ཡའི་ དམག་འཁྲུག་དེ་ མཚམས་འཇོག་གི་དོན་ལས་ ཡུ་རོབ་རྒྱལ་ཁབ་ཚུ་གིས་ གྲོས་བསྟུན་འབད་བའི་བསྒང་ཨིན་པས་ཟེར་ བཀོད་འདུག་པའི་གནས་ཚུལ།

Please follow and like us: