རྒྱ་གར་གྱི་ ཀཤ་མིར་མངའ་སྡེའི་ནང་ ཁྲིམས་སྲུང་འགག་སྡེ་གིས་ གནོད་འཚུབ་བཀལ་མི་ མི་ངན་འཚོལ་ཞིབ།

ཨེ་བི་སི།
རྒྱ་གར་གྱི་ ཀཤ་མིར་མངའ་སྡེའི་ནང་ གཡིབ་དམག་ཚུ་གིས་ བལྟ་བཤལཔ་ ༢༦ དམར་བསད་འབད་བའི་ཤུལ་ལས་ ཉེན་སྲུང་དམག་མི་ཚུ་གིས་ མི་ངན་དེ་ འཚོལ་ཞིབ་འབད་ནི་ འགོ་བཙུགས་ཡོདཔ་ཨིན་པས།
དེ་སྦེ་ གནོད་འཚུབ་བཀལ་མི་ མི་ངན་དེ་ འཚོལ་ཞིབ་ཀྱི་དོན་ལས་ ཀཤ་མིར་གྱི་ ཆོས་ཕྱོགས་དང་ སྲིད་དོན་ཚོགས་པ་ཚུ་གི་བར་ན་ ཁ་སླབ་པའི་ཤུལ་ལས་ ཚོང་ཁང་དང་ ཚོང་འབྲེལ་གྱི་ ལཱ་ལེ་ཤ་ཅིག་ར་ སྒོ་བསྡམས་ནུག།
ལུང་ཕྱོགས་དེ་ནང་ མཚོན་ཆ་འབག་མི་ ཁྲིམས་སྲུང་འགག་པ་དང་ དྲག་པོའི་དམག་མི་ཚུ་ སྟོང་ཕྲག་ལས་བཅད་དེ་ བགོ་བཀྲམ་འབད་བའི་ཁར་ ཞིབ་དཕྱད་སྒོ་ར་ཚུ་ཡང་ ཧེང་སྐལ་བཙུགས་ཡོདཔ་ཨིན་པས།
འགོ་དཔོན་ཚུ་གིས་ དེ་སྦེ་ ཤི་རྐྱེན་བྱུང་མི་ཚུ་ཡང་ རྒྱ་གར་གྱི་ ལྟ་བཤལཔ་ ༢༤ དང་ ནེ་པཱལ་ལས་ ༡ དེ་ལས་ ནང་འཁོད་ཀྱི་ ལྟ་བཤལཔ་ལམ་སྟོན་པ་ ༡ ཨིནམ་སྦེ་བཤད་ནུག།
དེ་ཚེ་ བལྟ་བཤལཔ་ཚུ་ལུ་ དམིགས་གཏད་བསྐྱེད་དེ་ གནོདཔ་བཀལ་བའི་ཤུལ་ལས་ ཀཤ་མིར་ལུ་ཡོད་མི་ ལྟ་བཤལཔ་ཚུ་ ཚ་གྱང་ལང་སྟེ་ ཐོན་འགྱོ་དོ་ཡོདཔ་ཨིན་པས།
རྒྱ་གར་ལུ་ དབང་ཤུགས་ཅན་གྱི་ ནང་སྲིད་བློན་པོ་ ཨ་མིཏ་ཤཱ་གིས་ ཤྲཱི་ན་གར་ལུ་ཡོད་མི་ ཁྲིམས་སྲུང་འགག་སྡེའི་ ཚད་འཛིན་ཁང་མིག་ཅིག་ནང་སྦེ་ གུས་བཏུད་ལས་རིམ་ འགོ་འདྲེན་འཐབ་མིའི་ནང་ བཅའ་མར་གཏོགས་ཏེ་ ལྟ་བཤལཔ་ཤི་རྐྱེན་བྱུང་མི་ཚུ་ལུ་ མེ་ཏོག་གི་ གུས་བཏུད་ཚུ་ཕུལ་ནུག།
སྤྱི་ལོ་ ༡༩༨༩ ལས་ རྒྱ་གར་གྱི་ བདག་དབང་འོག་ལུ་ཡོད་མི་ ཀཤ་མིར་གྱི་ ས་ཁོངས་ནང་ དམག་མི་ཚུ་གིས་ ནིའུ་ལྡི་ལིའི་ བཀོད་རྒྱ་ཐོག་ལུ་ ལཱ་འབདཝ་ཨིན་པས་ཟེར་ བཀོད་འདུག་པའི་གནས་ཚུལ།

Please follow and like us: