ཨིཛ་རེལ་གྱིས་ གཱ་ཛ་ལུ་ གནོད་འཚུབ་བཀལ་མིའི་ནང་ མི་སེར་ལེ་ཤ་ཅིག་ལུ་ཤི་རྐྱེན།

བི་བི་སི།
སྤྱི་ཟླ་ ༤ པའི་ཚེས་ ༢༤ ལུ་ ཨིཛ་རེལ་གྱིས་ མཁའ་དམག་ཐོག་ལས་ བྱང་ཕྱོགས་གཱ་ཛ་ལུ་ཡོད་མི་ ཁྲིམས་སྲུང་འགག་སྡེའི་ དམག་སྒར་ཅིག་ལུ་ གནོད་འཚུབ་བཀལཝ་ལས་ པེ་ལིཛ་ཊིན་གྱི་ མི་སེར་ ༩ ལུ་ ཤི་རྐྱེན་བྱུང་ཡོདཔ་ཚད་ ཇ་བ་ལི་ཡའི་ཁྲོམ་ཁར་ཡང་ མི་ཛ་ཡེལ་ བཏང་ཡོདཔ་ལས་ མི་སེར་ལེ་ཤ་ཅིག་ལུ་ རྨ་སྐྱོན་བྱུང་ནུག།
ཨིཛ་རེལ་གྱི་ དམག་མི་ཚུ་གིས་འབད་བ་ཅིན་ ཇ་བ་ལི་ཡ་ལུ་ཡོད་མི་ ཧ་མཱཛ་དང་ དེ་གི་མཐུན་ཕྱོགས་ པེ་ལེཛ་ཊིན་གྱི་ ཨིཛ་ལ་མིག་ ཇི་ཧཱད་ཚུ་ལུ་ དམིགས་གཏད་བསྐྱེད་དེ་ གནོད་འཚུབ་བཀལ་ཡི་ཟེར་ཨིན་པས།
དེ་མ་ཚད་ གཱ་ཛའི་ས་གནས་གཞན་ཁར་ཡང་ གནོད་འཚུབ་བཀལ་ཏེ་ མི་སེར་ ༡༧ དམར་བསད་འབད་ཡོདཔ་ད་ དེ་བཟུམ་སྦེ་ གཱ་ཛ་ཁྲོམ་གྱི་ ཉེ་འདབས་ལུ་ཡང་ རྫས་བམ་འགས་བཅུག་སྟེ་ ཁྱིམ་ནང་ཉལ་སྡོད་མི་ ཨ་ལོ་ ༤ གིས་གཙོས་པའི་ བཟའ་ཚང་ནང་མི་ ༦ ལུ་ཡང་ ཤི་རྐྱེན་བྱུང་ནུག།
ཟླ་ངོ་ ༢ ཀྱི་རིང་ལུ་ དམག་འཁྲུག་མཚམས་འཇོག་འབད་བའི་ཤུལ་ལས་ སྤྱི་ཟླ་ ༣ པའི་ཚེས་ ༡༨ ལུ་ ཨིཛ་རེལ་གྱིས་ ལོག་སྟེ་ར་ ཧ་མཱཛ་ལུ་ དམག་རྐྱབ་ནི་ འགོ་བཙུགས་ཡོདཔ་ལས་ ད་ཚུན་གྱི་བར་ན་ མི་གྲངས་ ༡,༩༧༨ དེ་ཅིག་ལུ་ ཤི་རྐྱེན་བྱུང་ནུག་ཟེར་ བཀོད་འདུག་པའི་གནས་ཚུལ།

Please follow and like us: