བྱང་ཀོ་རི་ཡ་གིས་ ཡུ་ཀེ་རེན་དང་ དམག་རྐྱབ་ནིའི་དོན་ལས་ ར་ཤི་ཡ་ལུ་ དམག་མི་ཚུ་ བཏང་ཡོད་པའི་ངོས་ལེན།

བི་བི་སི།
བྱང་ཀོ་རི་ཡ་གིས་ ཡུ་ཀེ་རེན་དང་ དམག་རྐྱབ་ནིའི་དོན་ལས་ ར་ཤི་ཡ་ལུ་ དམག་མི་ཚུ་ བཏང་ཡོད་པའི་སྐོར་ལས་ ངོས་ལེན་འབད་ཡོདཔ་ད་ དེ་ཡང་ རྒྱལ་ཁབ་ ༢ ཀྱི་ ས་མཚམས་ལུ་ཡོད་མི་ ཀུརཛ་ལུང་ཕྱོགས་དེ་ འཐོབ་ནིའི་དོན་ལས་ གྲོགས་རམ་འབད་བར་ བཏང་ཡོདཔ་སྦེ་ཨིན་པས།
ལྷོ་ཀོ་རི་ཡ་དང་ ནུབ་ཕྱོགས་གསང་བའི་ལས་ཁུངས་ཀྱིས་ ན་ཧིང་ཡང་ བྱང་ཀོ་རི་ཡ་གིས་ ར་ཤི་ཡ་ལུ་ གྲོགས་རམ་གྱི་དོན་ལས་ ཀུརཛ་ལུང་ཕྱོགས་ནང་ དམག་མི་སྟོང་ཕྲག་ལས་བཅད་དེ་ བཏང་ཡོད་པའི་ སྙན་ཞུ་འབད་ནུག།
དེ་སྦེ་ བྱང་ཀོ་རི་ཡ་གིས་ ར་ཤི་ཡ་ལུ་ དམག་མི་ཚུ་ བཏང་མི་དེ་ཡང་ བྱང་ཀོ་རི་ཡ་དང་ ར་ཤི་ཡའི་བར་ན་ ཕན་ཚུན་སྲུང་སྐྱོབ་ཀྱི་ ཆིངས་ཡིག་ཅིག་ བཟོ་མི་དང་འཁྲིལ་ཏེ་ བཏང་ཡོདཔ་སྦེ་ཨིན་པས།
བྱང་ཀོ་རི་ཡ་གིས་ ར་ཤི་ཡའི་ དམག་སྡེ་ལུ་ རྒྱབ་སྐྱོར་འབད་ནི་ཨིནམ་སྦེ་ བཤད་ཡོད་རུང་ བྱང་ཀོ་རི་ཡའི་ དམག་མི་ཚུ་ལུ་ ག་ཅི་བཟུམ་ཅིག་ འབྱུང་ནི་ཨིན་ན་དང་ རྒྱལ་ཁབ་ནང་ ལོག་ཚུགས་མི་ཚུགས་ཀྱི་སྐོར་ལས་ ག་ནི་ཡང་ བཤད་བ་བཏུབ་སྦེ་བཀོད་ནུག།
བྱང་ཀོ་རི་ཡའི་ དམག་མི་ཚུ་ ར་ཤི་ཡ་ལུ་ དམག་རྒྱབ་སྦེ་ བཏང་ཡོད་པའི་ སྙན་ཞུ་འགོ་དང་པ་ སྤྱི་ཟླ་ ༡༠ པའི་ནང་ བྱང་ཀོ་རི་ཡའི་ སྲིད་འཛིན་ཀིམ་དང་ ར་ཤི་ཡའི་ སྲིད་འཛིན་པུ་ཊིན་གྱི་བར་ན་ མཐུན་ལམ་གཏིང་ཟབ་ འགྱོ་བའི་ཤུལ་ལས་ ཐོན་ཡོདཔ་ཨིན་པས།
དམག་དོན་མཁས་མཆོག་ཚུ་གིས་ བྱང་ཀོ་རི་ཡའི་ དམག་མི་ཚུ་ལུ་ དེང་སང་གི་ དམག་ཆས་ཚུ་ ལག་ལེན་འཐབ་ནི་ལུ་ གྲ་སྒྲིག་མེདཔ་སྦེ་ བཤད་ཡོད་རུང་ བི་རི་ཊིཤ་དམག་སྡེའི་ འགོ་དཔོན་བགྲེསཔ་ཅིག་གིས་ དུས་ཅི་ ལོ་འགོ་བཙུགས་ཁམས་ལས་ ར་ཤི་ཡའི་ འགོ་དཔོན་ཚུ་གིས་ སྦྱོང་བརྡར་བྱིན་ཡོད་སྦེ་ བཤདཔ་ཨིན་པས་ཟེར་ བཀོད་འདུག་པའི་གནས་ཚུལ།

Please follow and like us: