རྒྱ་ནག་གིས་ གནད་འགག་ཆེ་བའི་ གཏེར་རྫས་ཚུ་ ཕྱིར་ཚོང་འཐབ་ནི་ལས་བཀག་དམ།

རོའི་ཊརཛ།
སྤྱི་ཟླ་ ༦ པའི་ཚེས་ ༤ ལུ་ རྒྱ་ནག་གིས་ གནད་འགག་ཆེ་བའི་ གཏེར་རྫས་ཚུ་ ཚོང་སྒྱུར་བཀག་དམ་འབད་ཡོདཔ་ལས་ རྒྱལ་སྤྱིའི་སྣུམ་འཁོར་བཟོ་སྐྲུན་ལས་སྡེ་ཚུ་ ཚ་གྱང་ལང་སྟེ་ ཡུ་ཨེཛ་གི་ མཉམ་རོགས་རྒྱལ་ཁབ་ཚུ་དང་ མཉམ་འབྲེལ་ཐོག་ལས་ ཁོང་གི་ཐོན་སྐྱེད་ཚུ་ལུ་ བསྣར་འགྱངས་དང་ ལ་ལོ་ཅིག་ སྒོ་བསྡམ་དགོཔ་ འཐོན་ནི་ཨིན་པའི་ རྩོད་ཉོག་བཀོད་ནུག།
དེ་ཡང་ ཇར་མེ་ནིའི་ སྣུམ་འཁོར་བཟོ་སྐྲུན་འབད་མི་ཚུ་གིས་ རྒྱ་ནག་གི་ གཏེར་རྫས་ཕྱིར་ཚོང་ བཀག་དམ་འབད་མི་ལུ་བརྟེན་ཏེ་ སྣུམ་འཁོར་བཟོ་སྐྲུན་ཚུ་ མཇུག་བསྡུ་དགོཔ་ འཐོན་ནི་ཨིན་པའི་ ཉེན་བརྡ་ཁྱབ་སྤེལ་འབད་བའི་ཁར་ རྒྱ་གར་ལས་ཡང་ གློག་འཕྲུལ་སྣུམ་འཁོར་ བཟོ་སྐྲུན་འབད་མི་ཅིག་གིས་ ཉོག་བཤད་བཀོད་ཡོདཔ་ཨིན་པས།
རྒྱ་ནག་གིས་ འཛམ་གླིང་ནང་ སྣུམ་འཁོར་དང་ གནམ་གྲུ་ དེ་ལས་ མཉེན་ཆས་དང་ དྲག་པོའི་གོ་མཚོན་ཚུ་ བཟོ་སྐྲུན་ལུ་མཁོ་བའི་ ཁབ་ལེན་རྡོ་གིས་གཙོས་པའི་ གཏེར་རྫས་སྣ་ཁག་ལེ་ཤ་ཅིག་ ཕྱིར་ཚོང་འཐབ་ནི་ལས་ བཀག་དམ་འབད་ནུག།
ག་དེ་སྦེ་ར་ཨིན་རུང་ ཡུ་ཨེཛ་གི་ སྲིད་འཛིན་དང་ རྒྱ་ནག་གི་ སྲིད་འཛིན་ ༢ ཀྱི་བར་ན་ གསུང་གྲོས་གནང་ནི་གི་ ལས་རིམ་ཡོདཔ་ཨིན་པས་ཟེར་ བཀོད་འདུག་པའི་གནས་ཚུལ།

Please follow and like us: