གནམ་གྲུའི་སྐད་ཤུགས་སྦེ་ གོ་བའི་ཤུལ་ལས་ འུར་བྱེལ་ཅན་གྱི་གནས་སྟངས།

བི་བི་སི།

སྤྱི་ཟླ་ ༦ པའི་ཚེས་ ༡༢ ལུ་ ཉིན་མའི་ཆུ་ཚོད་ ༡ དང་ སྐར་མ་ ༣༩ དེ་ཅིག་ཁར་ བི་ཇེ་གསོ་རིག་མཐོ་རིམ་སློབ་གྲྭའི་ སྡོད་ཁང་དང་ བཟའ་ཁང་ནང་ སློབ་ཕྲུག་ཨ་ལོ་ཚུ་ ཉིན་ལྟོའི་དོན་ལས་ སྤུངས་འཛོམས་འབད་དེ་ སྡོད་པའི་སྐབས་ལུ་ གནམ་གྲུའི་སྐད་སྦོམ་སྦེ་ར་ གོ་བའི་ཤུལ་ལས་ ཁང་མིག་ཚུ་ གས་ཡོདཔ་ཨིན་པས།
དེ་ཡང་ ཨེ་ཡར་ཨིན་ཌི་ཡའི་ གནམ་གྲུ་བོ་ཡིང་ ༧༨༧ འབད་མི་དེ་ ཨཱ་མེ་ད་བཱད་ གནམ་གྲུ་ཐང་ལས་ མཁའ་འགྲུལཔ་ ༢༤༢ འབག་སྟེ་ ལོན་ཌོན་ལུ་ འགྱོ་ནི་སྦེ་ སྐར་མ་ ༡ མ་ལང་པའི་ཧེ་མར་ ཕུར་འགྲུལ་འབད་ནུག།
དེ་བསྒང་ གནམ་གྲུ་དེ་ལུ་ ངེས་གསལ་མེད་པའི་ སྐྱོན་ཞུགས་ཏེ་ འཕུར་ཚར་བའི་འཕྲལ་ལས་ བྱ་སྟབས་མ་བདེཝ་ཐོན་ཏེ་ སྲོག་སྐྱབས་ཀྱི་ བརྡ་འཕྲིན་བསྐྱལ་ཡོད་རུང་ ག་ནི་ཡང་ འབད་མ་ཚུགས་པའི་བར་ན་ གནམ་གྲུ་དེ་ སྡོད་ཁྱིམ་ཚུ་ཡོད་མི་ ས་གོའི་ནང་ བུད་སོངཔ་ཨིན་པས།
གནམ་གྲུ་དེ་ དྲུང་འཚོ་ཚུ་སྡོད་སའི་ སྒྲིང་ཁྱིམ་ཐོག་ཁར་བུད་དེ་ གས་པའི་སྐབས་ལུ་ མེ་རིས་གནམ་ཁར་ལངས་སར་ མཐོང་ཡོདཔ་ད་ གནམ་གྲུ་དེ་ནང་གི་ འགྲུལ་པ་ ༢༤༢ ལས་ ཕུད་རྡོག་ ༡ ལུ་མ་གཏོགས་ གཞན་མི་ག་ར་ལུ་ ཤི་རྐྱེན་བྱུང་ནུག་ཟེར་ བཀོད་འདུག་པའི་གནས་ཚུལ།

Please follow and like us: