ཐིམ་ཕུ་ཐགས་རིགས་འགྲེམ་སྟོན་ཁང་ནང་སྦེ་ རྒྱལ་སྤྱི་ལུས་སྦྱོང་ཡོ་གའི་ཉིནམ་ བརྩི་སྲུང་འབད་ཡོདཔ།

པདྨ་དབང་འདུས།
སྤྱི་ཟླ་ ༦ པའི་ཚེས་ ༢༡ ལུ་ ཐིམ་ཕུ་ཐགས་རིགས་འགྲེམ་སྟོན་ཁང་ནང་སྦེ་ རྒྱལ་སྤྱི་ལུས་སྦྱོང་ཡོ་གའི་ཉིནམ་ བརྩི་སྲུང་འབད་ཡོདཔ་ད་ དེ་བསྒང་ ལྷན་རྒྱས་གཞུང་ཚོགས་ཀྱི་ བློན་པོ་ལྷན་རྒྱས་ཚུ་དང་ སྤྱི་ཚོགས་འཐུས་མི་ གཞུང་དྲུང་ཆེན་ཚུ་ འབྲུག་བཞུགས་རྒྱ་གཞུང་སྐུ་ཚབ་ རྒྱལ་སྤྱིའི་ལས་ཚོགས་ཁག་གི་ འགོ་འཛིན་ཚུ་ དེ་ལས་ སྲིད་སྐྱོང་མི་སྡེའི་འཐུས་མི་ཚུ་དང་ ལུས་སྦྱོང་ཡོ་ག་ཉམས་ལེན་པ་ཚུ་གིས་ གྲལ་གཏོགས་འབད་ནུག།
ཐིམ་ཕུ་ལུ་ རྒྱལ་སྤྱི་ཡོ་གའི་ཉིནམ་ བརྩི་སྲུང་དེ་ཡང་ རྒྱལ་ཡོངས་ཀྱི་གནས་རིམ་ནང་ རྒྱལ་སྤྱི་ཡོ་གའི་ཉིནམ་ བརྩི་སྲུང་དང་འབྲེལ་ཏེ་ འབྲུག་གཞུང་དང་ རྒྱ་གཞུང་སྐུ་ཚབ་ཡིག་ཚང་གིས་ འགོ་འདྲེན་འཐབ་ཡོདཔ་ཨིན་པས།
ལུས་སྦྱོང་ཡོ་ག་ཟེར་མི་དེ་ དུས་ཡུན་ངེས་མེད་ཀྱི་ སྔ་གོང་ལས་ར་ རྒྱ་གར་རྒྱལ་ཁབ་ནང་ དར་ཁྱབ་ཐོག་ལས་ རྒྱལ་སྤྱིའི་གནས་རིམ་ནང་ ཁྱབ་སྤེལ་སོང་ཡོདཔ་ད་ ལུས་སྦྱོང་ཡོ་ག་གིས་ གཟུགས་ཀྱི་ནུས་རྩལ་དང་ སེམས་ཀྱི་དྭངས་གསལ་ གཟུགས་ཁམས་སྒྲིང་གཞི་དང་ གཟུགས་ཀྱི་སྟོབས་ཤུགས་ཀྱི་ ཁྱད་ཆོས་ཚུ་ དོ་མཉམ་སྦེ་ བཞག་ཚུགས་པའི་སྒོ་ལས་ རང་སོའི་བདེ་ཉམས་ལུ་ ཁེ་ཕན་འབྱུང་དོ་ཡོདཔ་ཨིན་པའི་གནས་ཚུལ།

Please follow and like us: