ཨིཛ་རེལ་གྱིས་ གནོད་འཚུབ་བཀག་ཆ་མ་འབད་ཚུན་ ཨི་རཱན་གྱིས་ གྲོས་གླེང་མི་འབད་ནི།

བི་བི་སི།
སྤྱི་ཟླ་ ༦ པའི་ཚེས་ ༢༡ ལུ་ ཨི་རཱན་གྱིས་ བཤད་དོ་བཟུམ་འབད་བ་ཅིན་ ཁོང་གི་རྡུལ་ཕྲན་ནུས་ཤུགས་ལས་རིམ་སྐོར་ལས་ ཨིཛ་རེལ་གྱིས་ གནོད་འཚུབ་བཀག་ཆ་མ་འབད་ཚུན་ གྲོས་གླེང་འབད་ཐབས་མེད་ཟེར་ཨིན་པས།
ཨི་རཱན་གྱི་ ཕྱི་འབྲེལ་བློན་པོ་ ཨ་བཱཛ་ཨ་རག་ཅི་གིས་ ཇི་ནི་ཝ་ལུ་སྦེ་ ཡུ་རོབ་རྒྱལ་ཁབ་ཁག་གི་ སྲིད་སྐྱོང་འགོ་དཔོན་ཚུ་དང་ ཕྱད་པའི་སྐབས་ལུ་ རྡུལ་ཕྲན་ནུས་ཤུགས་ལས་རིམ་དང་འབྲེལ་ཏེ་ ཡུ་ཨེཛ་དང་གཅིག་ཁར་ སྲིད་འབྲེལ་གྱི་ བརྩོན་ཤུགས་ཚུ་ བསྐྱར་གསོ་འབད་དགོ་པའི་ ནན་སྐུལ་འབད་ནུག།
དེ་ཡང་ ཨི་རཱན་གྱིས་ ཨིཛ་རེལ་ལུ་ མི་ཛ་ཡེལ་འཕངས་བའི་ཤུལ་ལས་ ཨིཛ་རེལ་གྱིས་ ཨི་རཱན་གྱི་ རྡུལ་ཕྲན་ནུས་ཤུགས་ཀྱི་གོ་མཚོན་ མི་ཛ་ཡེལ་ཚུ་བཞག་སའི་ མཛོད་ཁང་དང་ མི་ཛ་ཡེལ་འཕངས་སའི་ ས་ཁོངས་ཚུ་ལུ་ གནོད་འཚུབ་བཀལ་ནི་ འགོ་བཙུགས་ཡོདཔ་ཨིན་པས།
ཨི་རཱན་གྱི་ ཕྱི་འབྲེལ་བློན་པོ་གིས་ ཁོང་གི་ རྡུལ་ཕྲན་ནུས་ཤུགས་ལས་རིམ་དེ་ ཞི་བདེའི་དོན་ལུ་ཨིན་རུང་ ཨིཛ་རེལ་གྱིས་ གནོད་འཚུབ་བཀལ་མི་དེ་ རྒྱལ་སྤྱིའི་ཁྲིམས་ལུགས་ལས་ འགལ་བ་ཨིནམ་སྦེ་ བཤདཔ་ཨིན་པས་ཟེར་ བཀོད་འདུག་པའི་གནས་ཚུལ།

Please follow and like us: