པེ་ལིཛ་ཊིན་གྱི་མི་སེར་ གྲོགས་རམ་ལེན་ཐབས་འབད་མི་ཚུ་གུ་ ཨིཛ་རེལ་གྱི་ དམག་མི་ཚུ་གིས་ ཀྲོབ་མདའ་རྐྱབ་ཆོག་པའི་བཀོད་རྒྱ།

ཨཱལ་ཇ་ཟི་ར།

སྤྱི་ཟླ་ ༦ པའི་ཚེས་ ༢༨ ལུ་ པེ་ལིཛ་ཊིན་གྱི་ ཁྲོམ་ཚོགས་ག་ཟའི་ ཞི་བའི་སྲུང་སྐྱོབ་ཀྱིས་ བཤད་དོ་བཟུམ་འབད་བ་ཅིན་ ཨིཛ་རེལ་གྱི་ དམག་མི་ཚུ་གིས་ འགྲོ་བ་མིའི་ གཞི་ཚོགས་ཀྱིས་ ལག་ལེན་འཐབ་མི་ བཟའ་ཆས་ཀྱི་ གྲོགས་རམ་བཀྲམ་སྤེལ་འབད་སའི་ ས་ཁོངས་ནང་ པེ་ལིཛ་ཊིན་གྱི་མི་སེར་ བཟའ་འཐུང་གི་གྲོགས་རམ་ལེན་པར་འོང་མི་ ཉུང་ཤོས་ར་ མི་གྲངས་ ༡༠༠ དེ་ཅིག་ དམར་བསད་འབད་ཡི་ཟེར་ཨིན་པས།

དེ་ཡང་ བཟའ་ཆས་གྲོགས་རམ་ བཀྲམ་སྤེལ་འབད་སའི་ ས་ཁོངས་ཚུ་ནང་ གོ་མཚོན་ག་ནི་ཡང་ མ་འབག་པར་ གྲོགས་རམ་འཚོལ་ཏེ་འོང་མི་ པེ་ལིཛ་ཊིན་གྱི་ མི་སེར་ཚུ་ ཉེན་ཁ་ཡོད་རུང་མེད་རུང་ དམར་བསད་འབད་དགོ་པའི་ བཀོད་རྒྱ་ཐོབ་ཡོདཔ་སྦེ་ ཨིཛ་རེལ་གྱི་ དམག་མི་ཚུ་གིས་ གསལ་བཤད་འབད་ནུག།

ཨིཛ་རེལ་དང་ ཨི་རཱན་གྱི་ ཕྱག་མདའི་ཐེད་ཁར་ ཡུ་ཨེཛ་གི་སྲིད་འཛིན་ ཌོ་ནཱལ་ཊམ་གྱིས་ ཨིཛ་རེལ་གྱིས་ ཨི་རཱན་གྱི་ མངོན་མཐོའི་དབུ་ཁྲིད་ ཨ་ཡ་ཏོ་ལ་ཨ་ལི་ཁ་མེ་ནི་ དམར་བསད་འབད་ཐབས་ལུ་དམིགས་ཏེ་ གནོད་འཚུབ་བཀལ་ནི་འབདཝ་ད་ ཁོ་གིས་ བཀག་ཆ་འབད་ཡི་ཟེར་ བཤད་ཡོདཔ་ཨིན་པས།

ཨི་རཱན་གྱི་ ཕྱི་འབྲེལ་བློན་པོ་ ཨ་བཱཛ་ཨ་རག་ཅི་གིས་ སྲིད་འཛིན་ཊམ་གྱི་ཁ་ཐུག་ལས་ ཨི་རཱན་གྱི་དབུ་ཁྲིད་ ཁ་མེ་ནིའི་སྐོར་ལས་ གུས་ཞབས་དང་ སེམས་ཁར་མ་འཐད་པའི་ ལོ་རྒྱུས་བཤད་ནི་ལས་ འཛེམས་དགོ་པའི་ ཉེན་བརྡ་འབད་ནུག་ཟེར་ བཀོད་འདུག་པའི་གནས་ཚུལ།