ཨིན་ཌོ་ནེ་ཤི་ཡའི་ རྒྱ་མཚོའི་ནང་ གྲུ་ཆུང་ཅིག་ ཐིམས་སོངཔ་ལས་ འགྲུལ་པ་ལེ་ཤ་ཅིག་བྱང་སྟོར།

ཨཱལ་ཇ་ཟི་ར།
སྤྱི་ཟླ་ ༦ པའི་ཚེས་ ༣ ལུ་ ཨིན་ཌོ་ནེ་ཤི་ཡའི་ མཚོ་གླིང་བཱ་ལི་ལུ་ འགྲུལ་པ་ ༦༥ འབག་མི་ གྲུ་ཆུང་ཅིག་ རྒྱ་མཚོའི་ནང་ ཐིམས་སོངཔ་ལས་ མི་ངོམ་ ༤ ལུ་ ཤི་རྐྱེན་དང་ ལེ་ཤ་ཅིག་ཡང་ བྱང་སྟོར་ཤོར་ཡོདཔ་ཨིན་པས།
གྲུ་ཆུང་དེ་ རྒྱ་མཚོའི་ནང་ ཐིམས་པའི་ཤུལ་ལས་ སྲོག་སྐྱབས་འབད་མི་ཚུ་གིས་ བྱང་སྟོར་ཤོར་མི་ འགྲུལ་པ་ ༣༨ འཚོལ་ཞིབ་འབད་བའི་བསྒང་ཡོདཔ་ད་ གྲུ་ཆུང་དེ་ཡང་ ཤར་ཕྱོགས་ཇ་བཱ་ལུ་ཡོད་མི་ གྲུ་ཚུ་བཞག་སའི་ས་ཁོངས་ བཱན་ཡུ་ཝང་གི་ཟེར་ས་ལས་ རྒྱ་མཚོའི་ནང་ འགྲུལ་བསྐྱོད་འབད་ནི་ འགོ་བཙུགས་པའི་ཤུལ་ལུ་ ཐིམས་སོངཔ་སྦེ་བཀོད་ནུག།
གྲུ་ཆུང་དེ་ནང་ལས་ འགྲུལ་པ་ ༢༣ དེ་ཅིག་ སྲོག་སྐྱབས་འབད་ཚུགས་ཡོདཔ་ད་ བཱན་ཡུ་ཝང་གིའི་ ཁྲིམས་སྲུང་འགག་སྡེའི་གཙོ་འཛིན་ རཱ་མ་སམ་ཏ་མ་ པུ་ཏ་ར་གིས་ བཤད་དོ་བཟུམ་འབད་བ་ཅིན་ སྲོག་སྐྱབས་འབད་མི་ཚུ་ རྒྱ་མཚོའི་ནང་ དྲན་མེད་ངང་ལུ་ཡོདཔ་སྦེ་ ཐོབ་ཅི་ཟེར་ཨིན་པས།
མདང་ཞག་ སྤྱི་ཟླ་ ༣ པའི་ནང་ཡང་ བཱ་ལི་མཚོ་གླིང་ལུ་ འགྲུལ་པ་ ༡༦ འབག་མི་ གྲུ་ཆུང་ཅིག་ རྒྱ་མཚོའི་ནང་ ཐིམས་སོངཔ་ལས་ ཨཱཛ་ཊེ་ལི་ཡའི་ ཨམ་སྲུ་ ༡ ལུ་ ཤི་རྐྱེན་དང་ གཞན་མི་ཅིག་ལུ་ རྨ་སྐྱོན་བྱུང་ནུག་ཟེར་ བཀོད་འདུག་པའི་གནས་ཚུལ།

Please follow and like us: