མ་ལི་རྒྱལ་ཁབ་ཀྱི་ དམག་སྡེའི་གཙོ་འཛིན་ལུ་ ལོ་ལྔའི་གཞུང་སྐྱོང་གོ་སྐབས། 

བི་བི་སི།

མ་ལི་རྒྱལ་ཁབ་ཀྱི་ དམག་སྡེའི་གཙོ་འཛིན་ དམག་སྤྱི་ཧ་སི་མི་ གོའི་ཊ་ལུ་ བར་སྐབས་སྤྱི་ཚོགས་ནང་ལས་ བཙག་འཐུ་འགོ་འདྲེན་མ་འཐབ་པར་ དུས་ཡུན་ཡར་སེང་ཐོག་ལས་ ལོ་ལྔའི་གཞུང་སྐྱོང་གི་ གོ་སྐབས་སྤྲོད་ནུག།

དེ་ཡང་ དམག་སྤྱི་ཧ་སི་མི་ གོའི་ཊ་གིས་ གཞུང་སྐྱོང་བཙན་དབང་ ལན་ཐེངས་ ༢ འབད་ཡོདཔ་ད་ ཁོ་གིས་ ན་ཧིང་ གཞུང་སྐྱོང་དེ་ དམངས་གཙོའི་རིང་ལུགས་ལུ་ བསྐྱར་སྒྱུར་འབད་ནི་ཨིནམ་སྦེ་ བཤད་ཡོད་རུང་ ད་ལྟོ་ཡང་ དམངས་གཙོའི་རིང་ལུགས་ མ་བཙུགས་པར་ཡོདཔ་ཨིན་པས།

སྤྱི་ཚོགས་ནང་ལས་བཏོན་མི་ འགན་ཁུར་གྱི་ དཔྱད་ཡིག་ནང་གསལ་ མ་ལི་རྒྱལ་ཁབ་ནང་ གནས་སྟངས་ཞི་བདེ་ཅན་ལུ་ མ་འགྱུར་ཚུན་གྱི་བར་ན་ དམངས་གཙོའི་རིང་ལུགས་ བསྐྱར་འཛུགས་འབད་ནི་ལུ་ དུས་ཚོད་འགོར་རུང་ འཐུསཔ་སྦེ་བཀོད་ནུག།

སྐྱེས་ལོ་ ༤༡ འབད་མི་ དམག་སྤྱི་གོའི་ཊ་གིས་ སྤྱི་ལོ་ ༢༠༣༠ ཚུན་ར་ གཞུང་སྐྱོང་འབད་ནི་གི་ གོ་སྐབས་ཡོདཔ་ལས་ ལྡོག་ཕྱོགས་ཡང་ མེདཔ་འགྱོ་བའི་ ཉེན་ཁ་ཡོདཔ་ད་ ཁོ་གིས་ གཞུང་སྐྱོང་བཙན་དབང་དེ་ སྤྱི་ལོ་ ༢༠༢༡ ལུ་འབད་ནུག་ཟེར་ བཀོད་འདུག་པའི་གནས་ཚུལ།