ལྷོ་ཀོ་རི་ཡ་ལུ་ ཆར་ཤུགས་སྦེ་རྐྱབ་པའི་ རྐྱེན་ངན་ནང་ མི་གྲངས་ ༤ ལུ་ཤི་རྐྱེན།

བི་བི་སི།
ལྷོ་ཀོ་རི་ཡ་ལུ་ ཆརཔ་ཤུགས་ཅན་སྦེ་ རྐྱབ་མི་ལུ་བརྟེན་ཏེ་ མི་གྲངས་ ༤ ལུ་ ཤི་རྐྱེན་བྱུང་ཡོདཔ་ད་ མི་གྲངས་ ༡,༣༠༠ ལྷགཔ་ཅིག་ ས་གནས་གཞན་ཁར་ སྤོ་བཤུད་འབད་ནུག།
དེ་སྦེ་ ཤི་རྐྱེན་བྱུང་མིའི་གྲས་ཁར་ སྐྱེས་ལོ་ ༨༠ གྱ་གྲངས་ནང་འབད་མི་ ༢ ཡོདཔ་་ དབང་འཛིན་ཚུ་གིས་ དུས་དང་མ་བསྟུན་པའི་ ཆར་ཆུ་དེ་ འཕྲོ་མཐུད་ནི་བཟུམ་ཅིག་ཡོད་པའི་ ཉེན་བརྡ་འབད་ཡོདཔ་ཨིན་པས།
གུ་ཝི་ཇུ་ཟེར་སར་མི་ ཇ་ཁང་གི་ཇོ་བདག་ ཀིམ་ཧ་མིན་གྱིས་ བཤད་དོ་བཟུམ་འབད་བ་ཅིན་ དེ་བཟུམ་མའི་ ཆརཔ་ཤུགས་སྦེ་རྐྱབ་སར་ འགོ་དང་པ་ མཐོང་ཡི་ཟེར་ཨིནམ་ད་ དུས་རྒྱུན་གྱི་ཚད་ལས་བརྒལ་བའི་ ཆར་ཤུགས་ལུ་བརྟེན་ཏེ་ ལྷོ་ཀོ་རི་ཡ་གཞུང་གིས་ གནམ་གཤིས་དང་འབྲེལ་བའི་ རྐྱེན་ངན་ཚབས་ཆེན་གྱི་ ཉེན་བརྡ་ཚུ་འབད་ནུག།
ས་གནས་སེ་ཨོ་སཱན་ཟེར་སར་ ཆརཔ་གི་ཚད་དེ་ཡང་ མི་ལི་མི་ཊར་ ༤༠༠ ལས་ལྷག་ཡོདཔ་ད་ ནུབ་ཕྱོགས་མཚོ་འགྲམ་དེ་ནང་ དེ་བཟུམ་མའི་ ཆརཔ་རྐྱབ་ནི་དེ་ ལོ་བརྒྱ་རེའི་བར་ན་ ཚར་རེ་རྐྱབ་དོ་ཡོདཔ་སྦེ་ གནམ་གཤིས་ལས་སྡེ་གིས་ བཤདཔ་ཨིན་པས་ཟེར་ བཀོད་འདུག་པའི་གནས་ཚུལ།

Please follow and like us: