ར་ཤི་ཡ་དང་ ཡུ་ཀེ་རེན་གྱི་བར་ན་ ཕྱད་མདའ་རྐྱབ་མིའི་ གནས་སྟངས་དུས་མཐུན།

ཨཱལ་ཇ་ཟི་ར།

སྤྱི་ཟླ་ ༧ པའི་ཚེས་ ༢༥ ལུ་ རི་ཤི་ཡ་དང་ ཡུ་ཀེ་རེན་གྱི་བར་ན་ ལོ་ངོ་ཕྱེད་དང ༤ ལང་མི་ ཕྱད་མདའི་སྐོར་ལས་ ཨིཛ་ཊཱན་བཱུལ་ལུ་ འགྲིག་ཆའི་གྲོས་བསྟུན་ མཐར་འཁྱོལ་འབྱུང་མ་ཚུགསཔ་ལས་ རྒྱལ་ཁབ་གཅིག་གིས་གཅིག་ལུ་ གནོད་འཚུབ་ཚུ་ འཕྲོ་མཐུད་དེ་ར་ བཀལ་དོ་ཡོདཔ་ཨིན་པས།

ཡུ་ཀེ་རེན་གྱི་ བློན་ཆེན་འོགམ་ ཨོ་ལེག་སི་ ཀུ་ལེ་བཱ་གིས་ ནུབམོ་ཅིག་ལུ་ར་ ར་ཤི་ཡ་གིས་ མཁའ་དམག་འཕྲུལ་ཆས་ཌྲཱོན་ ༡༠༣ དང་ མི་ཛ་ཡེལ་ ༤ གི་ཐོག་ལས་ ཞི་བའི་གཞི་རྟེན་མཁོ་ཆས་དང་ མཚོ་གྲུ་དང་ སྐྱེལ་འདྲེན་གྱི་ འཐོན་འཛུལ་ས་གོ་ དེ་ལས་ སྡོད་གནས་ས་ཁོངས་ཚུ་ནང་ གནོད་འཚུབ་བཀལ་ཡོདཔ་སྦེ་ གསལ་བཤད་འབད་ནུག།

གནོད་འཚུབ་དེ་ནང་ ཡུ་ཀེ་རེན་གྱི་ མཚོ་གྲུའི་འཐོན་འཛུལ་ས་གོ་ ཨོ་དེ་ས་ལུ་ མི་ ༡ དམར་བསད་དང་ གཞན་མི་ ༤ ལུ་ རྨ་སྐྱོན་བྱུང་ཡོདཔ་ད་ ཁར་ཀིབ་ལུ་འབད་བ་ཅིན་ མི་ ༢ དམར་བསད་དང་ ༣༣ ལུ་ རྨ་སྐྱོན་བྱུང་ཡོདཔ་ཨིན་པས།

དེ་བཟུམ་སྦེ་ ས་མཚམས་ཀྱི་ས་གནས་ སུ་ནི་ཟེར་སར་ཡང་ མི་ ༡ དམར་བསད་འབད་ཡོདཔ་ད་ སུ་ནི་ཟེར་མི་ ས་གནས་དེ་ འཕྲལ་ཁམས་ཅིག་ཁར་ ར་ཤི་ཡའི་ དམག་མི་ཚུ་གིས་ བཙན་དབང་ཐོག་ལུ་ དམག་སྒར་ཚུ་ གཞི་བཙུགས་འབད་ནུག།

དེ་ལས་ ཆེར་ཀ་སི་ཟེར་སར་ཡང་ གནོད་འཚུབ་བཀལ་ཏེ་ སྐྱེས་ལོ་ ༩ འབད་མི་ ཨ་ལོ་ ༡ བརྩིས་ཏེ་ མི་ ༧ ལུ་ རྨ་སྐྱོན་བྱུང་ཡོདཔ་ད་ ད་རེས་ ར་ཤི་ཡ་གིས་ ཡུ་ཀེ་རེན་གྱི་གཡུས་སྒོ་ ཟི་བི་རོབ་དང་ ནོ་བོ་ཀོ་ནོ་མིག་ནི་ཟེར་མི་ཚུ་ བཙན་དབང་འབད་ཡོདཔ་ཨིན་པས་ཟེར་ བཀོད་འདུག་པའི་གནས་ཚུལ།