ཡུ་ཨེཛ་གི་སྲིད་འཛིན་ ཌོ་ནཱལ་ཊཱམ་མཆོག་ སི་ཀོཊ་ལེན་ལུ་ཕེབས་ཡོདཔ།

རོའི་ཊརཛ།
སྤྱི་ཟླ་ ༧ པའི་ཚེས་ ༢༥ ལུ་ ཡུ་ཨེཛ་གི་སྲིད་འཛིན་ ཌོ་ནཱལ་ཊཱམ་མཆོག་ སི་ཀོཊ་ལེན་ལུ་ ཕེབས་ཡོདཔ་ད་ དེ་ཡང་ གཱོལཕ་རྩེ་ནི་དང་ ཡུ་རོབ་རྒྱལ་ཁབ་ཚོགས་པ་དང་གཅིག་ཁར་ ཚོང་འབྲེལ་གྱི་ འགྲིག་ཆ་བཟོ་ཚུགས་པའི་ རེ་འདུན་ཐོག་ལུ་བྱོན་ནུག།
སྲིད་འཛིན་ཊཱམ་གྱིས་ སི་ཀོཊ་ལེན་ལུ་ཡོད་མི་ ཁོ་རའི་གཱོལཕ་རྩེད་ཐང་ ༢ ཀྱི་ནང་སྦེ་ བི་རི་ཊེན་གྱི་བློན་ཆེན་ ཀེར་སི་ཊར་མར་དང་ ཡུ་རོབ་རྒྱལ་ཁབ་ལྷན་ཚོགས་ཀྱི་གཙོ་འཛིན་ ཨུར་སུ་ལ་ ཝཱོན་ཌེར་ ལེ་ཡེན་དང་གཅིག་ཁར་ མཇལ་ཕྲད་མཛད་ནི་སྦེ་ཨིན་པས།
མ་གཞི་ ཡུ་རོབ་རྒྱལ་ཁབ་ཚོགས་པ་དང་གཅིག་ཁར་ ཚོང་འབྲེལ་འགྲིག་ཆའི་ གོ་སྐབས་དེ་ བརྒྱ་ཆ་ ༥༠-༥༠ སྦེ་ཡོདཔ་ལས་ གལ་སྲིད་ ཁོ་རའི་རེ་འདུན་ལྟར་དུ་ མཐར་འཁྱོལ་འབྱུང་པ་ཅིན་ ཚོང་འབྲེལ་གྱི་ གྲུབ་འབྲས་སྦོམ་ཤོས་ཅིག་ འཐོན་ནི་ཨིནམ་སྦེ་བཀོད་ནུག།
ཡུ་རོབ་རྒྱལ་ཁབ་ཚོགས་པའི་ གཙོ་འཛིན་གྱིས་ སི་ཀོཊ་ལེན་ལུ་སྦེ་ ཌོ་ནཱལ་ཊཱམ་དང་གཅིག་ཁར་ རེས་གཟའ་ཟླཝ་ལུ་ མཆལ་ཕྲད་མཛད་ནི་ཨིནམ་སྦེ་ བཤདཔ་ཨིན་པས་ཟེར་ བཀོད་འདུག་པའི་གནས་ཚུལ།

Please follow and like us: