ཨི་ཛ་རེལ་གྱིས་ ཀྲོབ་མདའ་རྐྱབ་སྟེ་  པེ་ལིཛ་ཊེན་གྱི་ མི་སེར་ ༣༠ དེ་ཅིག་དམར་བསད།

བི་བི་སི།

སྤྱི་ཟླ་ ༧ པའི་ཚེས་ ༣༠ ལུ་ ཨི་ཛ་རེལ་གྱིས་ ག་ཟའི་བྱང་ཕྱོགས་ལུ་ གྲོགས་རམ་གྱི་དོན་ལས་ སྒུག་སྡོད་མི་ པེ་ལིཛ་ཊེན་གྱི་ མི་སེར་ ༣༠ དེ་ཅིག་ ཀྲོབ་མདའ་རྐྱབ་སྟེ་ དམར་བསད་འབད་ཡོདཔ་མ་ཚད་ མི་སེར་ ༣༠༠ དེ་ཅིག་ལུ་ཡང་ རྨ་སྐྱོན་བྱུང་ནུག།

ག་ཟ་ཁྲོམ་སྡེའི་ ཨཱལ་ཤི་ཕ་ སྨན་ཁང་གི་མདོ་ཆེན་ མོ་ཧམ་མེཌ་ ཨ་བུ་ སཱལ་མི་ཡ་གིས་ བཤད་དོ་བཟུམ་འབད་བ་ཅིན་ དེ་བཟུམ་མའི་ རྐྱེན་ངན་བྱུང་པའི་ཤུལ་ལས སྨན་ཁང་དེ་ནང་ མི་གྲངས་ ༣༥ ལུ་ཡང་ ཤི་རྐྱེན་བྱུང་ཡི་ཟེར་ཨིན་པས།

ཨི་ཛ་རེལ་ དམག་མི་ཚུ་གིས་ སྤྱི་ཟླ་ ༥ པའི་ནང་ལས་ འགོ་བཙུགས་ཏེ་ ད་ཚུན་གྱི་བར་ན་ བཟའ་འཐུང་གི་ གྲོགས་རམ་ལུ་ སྒུག་སྡོད་མི་ པེ་ལེཛ་ཊེན་གྱི་ མི་སེར་ ༡,༠༠༠ ལྷགཔ་ཅིག་ དམར་བསད་འབད་ཡོདཔ་སྦེ་ འཛམ་གླིང་སྤྱི་ཚོགས་ འགྲོ་བ་མིའི་དབང་ཆའི་ ཡིག་ཚང་ལས་ གསལ་བཤད་འབད་ནུག།

དེ་མ་ཚད་ སྤྱི་ལོ་ ༢༠༢༣ ལུ་ ཨིཛ་རེལ་དང་ ཧ་མཱཛ་གི་བར་ན་ དམག་འཁྲུག་ལང་ནི་ འགོ་བཙུགས་ཞིནམ་ལས་ཚུར་ ཟས་བཅུད་ཅན་ མ་ཐོབ་པའི་རྐྱེན་གྱིས་ ཨ་ལོ་ ༨༩ བརྩིས་ཏེ་ མི་གྲངས་ ༡༥༠ ལྷགཔ་ཅིག་ལུ་ ཤི་རྐྱེན་བྱུང་ཡོདཔ་ཨིན་པས།

ག་དེ་སྦེ་ར་ཨིན་རུང་ སྤྱི་ལོ་ ༢༠༢༣ སྤྱི་ཟླ་ ༡༠ པའི་ནང་ལས་ ག་ཟ་ལུ་ དམག་འཁྲུག་ལང་མིའི་ནང་ པེ་ལེཛ་ཊེན་གྱི་ ཨ་ལོ་ ༡༨,༥༩༢ དང་ ཨམ་སྲུ་ ༩,༧༨༢ བརྩིས་ཏེ་ མི་སེར་ཡོངས་བསྡོམས་ ༦༠,༠༠༠ ལྷགཔ་ཅིག་ལུ་ ཤི་རྐྱེན་བྱུང་ནུག་ཟེར་ བཀོད་འདུག་པའི་གནས་ཚུལ།