ར་ཤི་ཡ་དང་ ཡུ་ཀེ་རེན་གྱི་ ཕྱད་མདའ་དེ་ འཕྲལ་མགྱོགས་ར་ མཇུག་བསྡུ་དགོ་པའི་བརྡ་ལན།

རོའི་ཊརཛ།

སྤྱི་ཟླ་ ༧ པའི་ཚེས་ ༣༡ ལུ་ སྲིད་འཛིན་ཊཱམ་གྱིས་ འཛམ་གླིང་སྤྱི་ཚོགས་ སྲུང་སྐྱོབ་ལྷན་ཚོགས་ལུ་ ར་ཤི་ཡ་དང་ ཡུ་ཀེ་རེན་གྱི་ ཕྱད་མདའ་མཇུག་བསྡུ་དགོ་པའི་ འགྲིག་ཆ་དེ་ སྤྱི་ཟླ་ ༨ པའི་ཚེས་ ༨ ལུ་ བརྡ་ལན་དགོ་ཟེར་ བཤད་ཡོདཔ་ཨིན་པས།

དེ་ཡང་ རྒྱལ་ཁབ་ ༢ ཀྱི་བར་ན་ ཡུན་བརྟན་ཅན་གྱི་ ཞི་བདེའི་འགྲིག་ཆ་བཟོ་ནི་གི་ དུས་ཚོད་དེ་ ན་ཐན་ར་ རན་ཆི་ཟེར་ཨིནམ་ད་ ཞི་བདེའི་དོན་ལུ་ ཡུ་ཨེཛ་གི་ཁ་ཐུག་ལས་ཡང་ ཐབས་ལམ་ཁ་སྐོང་ཚུ་ ལག་ལེན་འཐབ་ནི་ལུ་ གྲ་སྒྲིག་ཡོདཔ་སྦེ་བཤད་ནུག།

ར་ཤི་ཡའི་ཁ་ཐུག་ལས་ ཕྱད་མདའ་མཇུག་བསྡུ་ནི་དང་འབྲེལ་ཏེ་ ཡར་འཕེལ་ག་ནི་ཡང་ གཏོན་ནི་མེད་པ་ཅིན་ སྤྱི་ཟླ་ ༨ པའི་ཚེས་ ༥ ལས་ ཉིན་གྲངས་ ༡༠ གྱི་ཤུལ་ལུ་ ར་ཤི་ཡའི་ ཅ་ཆས་ཚུ་གུ་ ཡར་སེང་ཅན་གྱི་ཁྲལ་ཚུ་ བཀལ་ནི་ཨིན་ཟེར་ བཤད་ཡོདཔ་ཨིན་པས།

ར་ཤི་ཡ་དང་ ཡུ་ཀེ་རེན་གྱི་བར་ན་ ཕྱད་མདའ་རྐྱབ་སྟེ་ ལོ་ངོ་ ༣ ལྷགཔ་ཅིག་ སོང་ཡོདཔ་ད་ ས་གནས་ཨིཛ་ཏཱན་བཱུལ་ལུ་སྦེ་ འགྲིག་ཆའི་གསུང་གྲོས་ཚུ་ ལན་ཐེངས་ ༣ རེ་གནང་སྟེ་ བཙོན་པ་གཤིན་གསོན་ཚུ་ བརྗེ་སོར་འབད་ཚུགས་རུང་ ཕྱད་མདའ་མཇུག་བསྡུ་ནི་གི་ གྲུབ་འབྲས་ག་ནི་ཡང་ ཐོན་མ་ཚུགསཔ་ཨིན་པས་ཟེར་ བཀོད་འདུག་པའི་གནས་ཚུལ།