ཨི་རཱན་གྱིས་ ས་མཚམས་ཕྱི་ཁར་ དམར་བསད་ཀྱི་ གྱོས་ངན་བརྩམ་དོ་ཡོད་པའི་ཁ་ཉེས།

ཨཱལ་ཇ་ཟི་ར།
ཡུ་ཀེ་དང་ ཁོང་གི་མཐུན་འབྲེལ་རྒྱལ་ཁབ་ ༡༣ གྱིས་ ཨི་རཱན་གྱི་ གསང་ཞིབ་ཞབས་ཏོག་གི་ ཁ་ཐུག་ལས་ ཡུ་རོབ་དང་ བྱང་ཨ་མི་རི་ཀ་ལུ་ཡོད་མི་ མི་ངོམ་ཚུ་གི་ རྒྱབ་འགལ་ལུ་ འཇིགས་སྐུལ་དང་འབྲེལ་བའི་ དམར་བསད་དང་ འཛིན་བཟུང་འབད་ནི་གི་ གྱོས་ངན་བརྩམ་དོ་ཡོད་པའི་ ཁ་ཉེས་བཀལ་ཡོདཔ་ཨིན་པས།
དེ་ཡང་ ཡུ་ཨེཛ་དང་ ཕ་རཱནཛ་ ཇར་མ་ནི་ ཀེ་ན་ཌ་ རྒྱལ་ཁབ་ཚུ་གིས་ མཉམ་འབྲེལ་བརྗོད་དོན་ཅིག་ནང་ ཨི་རཱན་གྱིས་ ཁོང་རའི་ས་མཚམས་ཀྱི་ཕྱི་ཁར་ དེ་བཟུམ་མའི་གྱོས་ངན་བརྩམ་མི་དེ་ རྒྱལ་ཁབ་རང་སོའི་ རང་དབང་གི་ གཞི་རྩ་དང་ འགལ་བ་ཨིནམ་སྦེ་བཀོད་ནུག།
བརྗོད་དོན་དེ་ཁར་ མིང་རྟགས་བཀོད་མིའི་གྲས་ཁར་ ཨཱལ་བ་ནི་ཡ་དང་ ཨཱཛ་ཊྲི་ཡ་ བེལ་ཇི་ཡམ་ ཛེག་རེ་པབ་ལིག་ ཌེན་མཱག་ ཕིན་ལེན་ ནེ་དར་ལེན་ སི་པེན་ སུའི་ཌེན་ ཡུ་ཀེ་རྒྱལ་ཁབ་ཚུ་ཡོདཔ་ཨིན་པས།
ཨིན་རུང་ ཨི་རཱན་གྱི་ ཕྱི་འབྲེལ་ལྷན་ཁག་ལས་ ཡུ་ཀེ་དང་ ཡུ་རོབ་རྒྱལ་ཁབ་ཚུ་གིས་ ཁ་ཉེས་བཀལ་མི་དེ་ལུ་ བདེན་ཁུངས་མེདཔ་སྦེ་ བཤདཔ་ཨིན་པས་ཟེར་ བཀོད་འདུག་པའི་གནས་ཚུལ།

Please follow and like us: