ཐིམ་ཕུ་འཇིགས་མེད་རྡོ་རྗེ་དབང་ཕྱུག་ རྒྱལ་ཡོངས་གཙོ་བསྟེན་སྨན་ཁང་ནང་ བླམ་གསར་བསྐོས།

རང་ཟླ་ ༦ པའི་ཚེས་ ༨ ལུ་ སྐྱབས་རྗེ་རྗེ་མཁན་རིན་པོ་ཆེ་མཆོག་གིས་ བླམ་བསོད་ནམས་རབ་རྒྱས་དེ་ ཐིམ་ཕུ་འཇིགས་མེད་རྡོ་རྗེ་དབང་ཕྱུག་ རྒྱལ་ཡོངས་གཙོ་བསྟེན་སྨན་ཁང་གི་བླམ་སྦེ་ གསར་བསྐོས་ཐོག་ལུ་ བཀྲིས་ལེགས་དར་གནང་ནུག།
དགུང་ལོ་ ༥༢ བཞེས་མི་ བླམ་བསོད་ནམས་རབ་རྒྱས་མཆོག་ དབང་འདུས་ཕོ་བྲང་རྫོང་ཁག་ ཤར་ངག་དབང་གར་གཞི་ཁ་ལས་ཨིནམ་ད་ དགུང་ལོ་ ༨ ལས་ གྲྭ་ཚང་ནང་ འཛུལ་ཞུགས་མཛད་དེ་ བདེ་ཆེན་ཕོ་བྲང་ གཞི་རིམ་སློབ་གྲྭ་དང་ མདོ་སྡེ་བྲག་ འབྲིང་རིམ་བཤད་གྲྭ་ རྟ་མགོ་མཐོ་རིམ་བཤད་གྲྭ་ཚུ་ལས་ ནང་པའི་ཤེས་ཡོན་ཚུ་ སྦྱངས་བརྩོན་མཛད་ཡོདཔ་ཨིན་པས།
དེ་ལས་ སྤྱི་ལོ་ ༢༠༠༣ ལུ་ དཔལ་གྱི་རི་སྒྲུབ་སྡེའི་ནང་ལས་ ལོ་གསུམ་ཕྱོགས་གསུམ་དང་ རྟོགས་སྐྱོང་རི་ཁྲོད་ལུ་ ལོ་ངོ་ ༡༠ ལྷགཔ་ཅིག་ བཞུགས་པའི་ཤུལ་ལས་ རྟ་མགོའི་གནས་བདག་དང་ སྤུངས་རྫོང་མགོན་པའི་ བསྐང་རྒྱུན་པ་སྦེ་ ཕྱག་ཞུ་ནུག།
གོ་གནས་འདི་ མ་བཞེས་པའི་ཧེ་མ་ སྤ་གྲོ་ཀུན་དགའ་ཆོས་གླིང་ལུ་ བསྙེན་མཚམས་ནང་ བཞུགས་ཡོདཔ་ཨིན་པའི་གནས་ཚུལ།

Please follow and like us: