མི་རྗེ་བློན་ཆེན་མཆོག་གིས་ ཆུ་འཛོམས་ལས་ ཧཱ་གི་འཁོར་ལམ་འགོ་འབྱེད།

སྤྱི་ཟླ་ ༨ པའི་ཚེས་ ༡ ལུ་ མི་རྗེ་བློན་ཆེན་མཆོག་གིས་ ཝ་ན་ཁ་ལུ་ ཆུ་འཛོམས་ལས་ ཧཱ་གི་འཁོར་ལམ་ འགོ་འབྱེད་རྟེན་འབྲེལ་ནང་ དབུ་བཞུགས་མཛད་ནུག།
དེ་བསྒང་ རྒྱ་གར་ས་མཚམས་འཁོར་ལམ་ལས་འགུལ་གྱི་ ཡོངས་ཁྱབ་མདོ་ཆེན་ གུང་བློན་ར་གུ་སི་རི་ནི་ཝ་སན་དང་ འབྲུག་བཞུགས་རྒྱ་གར་གཞུང་ཚབ་ སུ་ད་ཀར་ད་ལེ་ལེ་གིས་ཡང་ གྲལ་གཏོགས་འབད་ཡོདཔ་ཨིན་པས།
མི་རྗེ་བློན་ཆེན་གྱིས་ འཁོར་ལམ་དེ་ཁར་ ལཱ་འབད་མི་ཚུ་དང་ རྒྱ་གཞུང་དང་ རྒྱ་གར་གྱི་ མི་སེར་ཚུ་ལུ་ བཀའ་དྲིན་དགའ་ཚོར་ཡོད་ལུགས་ གསུངས་པའི་པའི་ནང་ལས་ཡང་ དམིགས་བསལ་གྱིས་ འཁོར་ལམ་དེ་ ལེགས་ཤོམ་སྦེ་ གྲུབ་ཚུགས་མི་ལུ་ རྒྱ་གར་གཞུང་ཚབ་ སུ་ད་ཀར་ད་ལེ་ལ་དང་ དཱན་ཏག་ལས་འགུལ་གྱི་ བཟོ་རིག་འགོ་དཔོན་གཙོ་འཛིན་ མདོ་འཛིན་རོ་ཧིད་གུབ་ཏ་གིས་གཙོས་པའི་ ལས་བྱེད་སྡེ་ཚན་ལུ་ཡང་ བཀའ་དྲིན་དགའ་ཚོར་ཡོད་ལུགས་གསུངས་ནུག།
དེ་མ་ཚད་ དེ་སྦེ་ ལེགས་བཅོས་འབད་མི་ འཁོར་ལམ་དང་ ཟམ་ཚུ་ འབྲུག་གི་གོང་འཕེལ་ལུ་ སྲོག་ཐག་སྦེ་ གལ་ཆེ་བའི་སྐོར་དང་ རྒྱལ་ཁབ་གོང་འཕེལ་ལུ་ ཡུན་བརྟན་ཅན་གྱི་ ཕན་འདེབས་འབད་མི་ཚུ་ལུ་ཡང་ བཀའ་དྲིན་དགའ་ཚོར་ཡོད་ལུགས་ གསུངས་ཡོད་པའི་གནས་ཚུལ།

Please follow and like us: