རྒྱ་གར་ལུ་ ཆུ་རུད་ཐོན་པའི་ཤུལ་ལས་ མི་སེར་ ༡༠༠ ལྷགཔ་ཅིག་བྱང་སྟོར།

བི་བི་སི།

སྤྱི་ཟླ་ ༧ པའི་ཚེས་ ༥ ལུ་ རྒྱ་གར་གྱི་ བྱང་ཕྱོགས་མངའ་སྡེ་ ཨུ་ཏ་ར་ཁཱན་ལུ་ ཆུ་རུད་ཐོན་པའི་ཤུལ་ལས་ མི་ ༡ ལུ་ ཤི་རྐྱེན་བྱུང་ཡོདཔ་མ་ཚད་ མི་སེར་བརྒྱ་ལྷགཔ་ཅིག་ཡང་ འཚོལ་མ་ཐོབ་པར་ཡོདཔ་ཨིན་པས།

དེ་ཡང་ ཨུ་ཏ་ར་ཁཱན་མངའ་སྡེའི་ ཨུ་ཏར་ཀ་ཤི་རྫོང་ཁག་ དྷ་ར་ལི་གཡུས་ཚན་ནང་ འདས་པའི་བདུན་ཕྲག་དག་པ་ཅིག་གི་ ཧེ་མ་ལས་ ཆརཔ་ཤུགས་སྦེ་ རྐྱབ་ནི་དེ་གིས་ ལམ་དང་ སྒྲིང་ཁྱིམ་ཚུ་ ཆུའི་འོག་ལུ་ཚུད་དེ་ རྒྱུན་ལམ་མེད་པ་ལུ་བརྟེན་ཏེ་ དམག་མི་དག་པ་ཅིག་མ་གཏོགས་ སྲོག་སྐྱབས་འབད་མི་གཞན་ཚུ་ཡང་ འགྱོ་མ་ཚུགསཔ་སྦེ་བཀོད་ནུག།

སྤྱི་ཟླ་ ༧ པའི་ཚེས་ ༦ ལུ་ ཨུ་ཏ་ར་ཁཱན་མངའ་སྡེའི་ གཙོ་འཛིན་བློན་པོ་ པུཤ་ཀར་སིང་ དྷ་མི་གིས་ གནས་ཚུལ་བསྡུ་བཀོདཔ་ཚུ་ལུ་ བཤད་དོ་བཟུམ་འབད་བ་ཅིན་ ས་གནས་དེ་ཁའི་ མི་སེར་ ༡༣༠ དེ་ཅིག་ སྲོག་སྐྱབས་འབད་ཚུགས་ཅི་ཟེར་ཨིན་པས།

རྒྱ་གར་གྱི་ གནམ་གཤིས་ལས་ཁུངས་ཀྱིས་ ཤུལ་མའི་ཉིནམ་དག་པ་ཅིག་གི་རིང་ལུ་ ས་གོ་དེ་ནང་ ཆརཔ་ཤུགས་སྦེ་ར་ རྐྱབ་ནི་ཨིནམ་སྦེ་ བཤད་ཡོདཔ་ལས་ ཆུ་རུད་འཐོན་ནི་གི་ ཉེན་ཁ་ཡོད་པའི་ ས་ཁོངས་ཚུ་ནང་ འགྲོ་འགྲུལ་བཀག་དམ་འབད་བའི་ཁར་ ས་གནས་ཁག་གི་ སློབ་གྲྭ་ཚུ་ཡང་ སྒོ་བསྡམས་བཞག་ནུག་ཟེར་ བཀོད་འདུག་པའི་གནས་ཚུལ།