ཨ་ལཱཛ་ཀ་ལུ་ ཡུ་ཨེཛ་དང་ ར་ཤི་ཡའི་ དབུ་ཁྲིད་ཀྱི་བར་ན་ཞལ་འཛོམས།

སི་ཨེན་ཨེན།

སྤྱི་ཟླ་ ༨ པའི་ཚེས་ ༡༥ ལུ་ ཨ་ལཱཛ་ཀ་ལུ་སྦེ་ ར་ཤི་ཡའི་སྲིད་འཛིན་ ཝཱལ་ཌི་མིར་ པུ་ཊིན་དང་ ཡུ་ཨེཛ་གི་སྲིད་འཛིན་ ཌོ་ནཱལ་ཊམ་གྱི་བར་ན་ དུས་ཡུན་ཆུ་ཚོད་ ༣ གྱི་རིང་ལུ་ ཞལ་འཛོམས་གནང་པའི་ཤུལ་ལས་ དབུ་ཁྲིད་གཉིས་ཆ་ར་གིས་ གསུང་གྲོས་ཚུ་ ལེགས་ཤོམ་སོང་ཡི་ཟེར་ གསུངསམ་མ་གཏོགས་ གནད་དོན་ཁ་གསལ་ཅིག་ ག་ནི་ཡང་ མ་བཀོདཔ་ཨིན་པས།

སྲིད་འཛིན་ཊམ་གྱིས་ ཧེ་མ་འབད་བ་ཅིན་ ཡུ་ཀེ་རེན་དང་ ར་ཤི་ཡའི་བར་ན་ ཕྱད་མདའ་མཚམས་འཇོག་འབད་ནི་ལུ་ ཨུ་ཚུགས་བསྐྱེད་ནི་ཨིན་ཟེར་ གསུངས་ཡོད་རུང་ གསུང་གྲོས་ཀྱི་སྐབས་ལུ་ འགྲིག་ཆ་ག་ནི་ཡང་ བྱུང་མ་ཚུགས་པར་ ལུས་ཡོདཔ་ལས་ འགྲིག་ཆ་བཟོ་ནི་གི་ འགན་ཁུར་དེ་ ཡུ་ཀེ་རེན་གྱི་སྲིད་འཛིན་ ཝོ་ལོ་ཌི་མིར་ ཛེ་ལེནཛ་ཀི་ལུ་ འཁྲི་དོ་ཡོད་པའི་ བརྡ་སྟོན་འབད་ནུག།

མ་གཞི་ སྲིད་འཛིན་ ༢ ཀྱི་བར་ན་ གནད་དོན་ལེ་ཤ་ཅིག་གུ་ ཞལ་འཆམ་བྱུང་ཡི་ཟེར་ཨིན་རུང་ གནད་དོན་སྦོམ་ཚུ་གི་སྐོར་ལས་ ཞལ་འཆམ་བྱུང་མ་ཚུགསཔ་སྦེ་ བཤདཔ་ཨིན་པས་ཟེར་ བཀོད་འདུག་པའི་གནས་ཚུལ།