ཀོ་ལོམ་བི་ཡའི་ ནུབ་ཕྱོགས་ཁྲོམ་སྡེ་ ཀཱ་ལི་ལུ་ རྫས་བམ་འགས་བཅུག་མིའི་ནང་ མི་གྲིས་ ༥ ལུ་ ཤི་རྐྱེན་དང་ ལེ་ཤ་ཅིག་ལུ་རྨ་སྐྱོན།

བི་བི་སི།

སྤྱི་ཟླ་ ༨ པའི་ཚེས་ ༢༢ ལུ་ ཀོ་ལོམ་བི་ཡའི་ ནུབ་ཕྱོགས་ཁྲོམ་སྡེ་ ཀཱ་ལི་ལུ་ སྣུམ་འཁོར་ཐོག་ལས་ རྫས་བམ་འགས་བཅུག་མིའི་ནང་ མི་གྲངས་ ༥ ལུ་ ཤི་རྐྱེན་དང་ ༣༦ དེ་ཅིག་ལུ་ རྨ་སྐྱོན་བྱུང་ནུག་ཟེར་ དབང་འཛིན་ཚུ་གིས་ བཤདཔ་ཨིན་པས།

རྫས་བམ་དེ་ ཁྲོམ་སྡེའི་བྱང་ཕྱོགས་ལུ་ཡོད་མི་ མཱར་ཀོ་ཕི་ཌཱིལ་ སུ་ཝ་རེཛ་ མཁའ་དམག་སློབ་གྲྭ་ལུ་ དམིགས་གཏད་བསྐྱེད་དེ་ འགས་བཅུག་ནུག་ཟེར་ ཁྲིམས་སྲུང་འགག་སྡེ་གིས་ སྙན་ཞུའི་ནང་ གསལ་བཀོད་འབད་ནུག།

དེ་མ་ཚད་ སྤྱི་ཟླ་ ༨ པའི་ཚེས་ ༢༡ ལུ་ ཁྲིམས་སྲུང་འགག་སྡེའི་ གནམ་གྲུ་ཧེ་ལི་ཀོབ་ཊར་ཅིག་ལུ་ཡང་ གནོད་འཚུབ་བཀལ་ཡོདཔ་ལས་ ནུབ་བྱང་ཁྲོམ་སྡེ་ མི་ཌི་ལིན་གྱི་ཕྱི་ཁར་ མཐའ་ཟུར་གྱི་ ས་ཁོངས་ཅིག་ནང་ ཉུང་ཤོས་ར་ མི་གྲངས་ ༡༢ དེ་ཅིག་ལུ་ ཤི་རྐྱེན་བྱུང་ཡོདཔ་ཨིན་པས།

དེ་བསྒང་ ས་གསན་དེ་ཁར་ མཐོང་མི་ཅིག་གིས་ ཀཱ་ལི་ཁྲོམ་ཁར་ སྣུམ་འཁོར་ཐོག་ལས་ རྫས་བམ་འགས་མི་དེ་གིས་ ཁྲོམ་ལམ་བདའ་སྟེ་ འགྲོ་འགྲུལ་འབད་མི་ མི་སེར་ཚུ་ལུ་ ཤི་རྐྱེན་བྱུང་ཡོདཔ་མ་ཚད་ སྡོད་ཁྱིམ་ལེ་ཤ་ཅིག་ལུ་ཡང་ གནོད་སྐྱོན་བྱུང་ཡོདཔ་སྦེ་ བཤདཔ་ཨིན་པས་ཟེར་ བཀོད་འདུག་པའི་གནས་ཚུལ།