རྒྱ་ནག་གི་ ཕོ་སྐྱེས་ཅིག་གིས་ བྱང་ཀོ་རི་ཡ་ལུ་ གོ་མཚོན་ནག་ཚོང་འཐབ་པའི་ ཉེས་འཛུགས་ཐོག་ལུ་ ལོ་ངོ་ ༨ ཀྱི་བཙོན་ཁྲིམས།

བི་བི་སི།

སྤྱི་ཟླ་ ༨ པའི་ཚེས་ ༢༠ ལུ་ ཡུ་ཨེཛ་ཁྲིམས་དོན་ལས་ཁུངས་ཀྱིས་ བཤད་དོ་བཟུམ་འབད་བ་ཅིན་ རྒྱ་ནག་གི་ མི་ཁུངས་ཅིག་གིས་ བྱང་ཀོ་རི་ཡ་ལུ་ གོ་མཚོན་དང་ དམག་ཆས་ཚུ་ ནག་ཚོང་འཐབ་པའི་ ཉེས་འཛུགས་ཐོག་ལུ་ ལོ་ངོ་ ༨ ཀྱི་ བཙོན་ཁྲིམས་བཀལ་ཡི་ཟེར་ཨིན་པས།

དེ་ཡང་ སྐྱེས་ལོ་ ༤༢ འབད་མི་ ཤེང་ཧུ་ཝ་ཝེན་གྱིས་ ཀེ་ལི་ཕོར་ནི་ཡ་ལས་ ཅ་ཆས་ཚུ་ བསྐྱལ་བཏང་ནིའི་དོན་ལུ་ བྱང་ཀོ་རི་ཡའི་ འགོ་དཔོན་ཚུ་ལས་ ཌོ་ལར་ས་ཡ་ ༢ དེ་ཅིག་ ཐོབ་ཡོདཔ་སྦེ་བཀོད་ནུག།

ཀེ་ལི་ཕོར་ནི་ཡ་མངའ་སྡེའི་  ས་གནས་ཨཱོན་ཊེ་རི་ཨོ་ལུ་སྡོད་མི་ ཤེང་ཧུ་ཝ་ཝེན་དེ་ སྤྱི་ལོ་ ༢༠༢༤ སྤྱི་ཟླ་ ༡༢ པའི་ནང་ལས་ འཛིན་བཟུང་འབད་དེ་ དོ་དམ་འོག་ལུ་ བཞག་ཡོདཔ་ད་ དུས་ཅི་ སྤྱི་ཟླ་ ༦ པའི་ནང་ ཁོ་གིས་ རྒྱལ་སྤྱི་གློ་བུར་དཔལ་འབྱོར་དབང་ཆའི་ བཅའ་ཁྲིམས་ལས་འགལ་བའི་ཁར་ ཕྱི་རྒྱལ་གཞུང་གི་ ཁྲིམས་འགལ་གྱི་ ངོ་ཚབ་ཅིག་ཡང་ཨིན་པའི་ ངོས་ལེན་འབད་ཡོདཔ་ཨིན་པས།

ཤེང་ཧུ་ཝ་ཝེན་དེ་ སྤྱི་ལོ་ ༢༠༡༢ ལུ་ ཡུ་ཨེཛ་རྒྱལ་ཁབ་ནང་ སློབ་ཕྲུག་གི་ ཆོག་ཐམ་ཐོག་ལུ་ འཛུལ་ཞུགས་འབད་བའི་ཤུལ་ལུ་ སྤྱི་ལོ་ ༢༠༡༣ སྤྱི་ཟླ་ ༡༢ པའི་ནང་ལས་ ཆོག་ཐམ་གྱི་ དུས་ཡུན་ཡོལ་སོང་རུང་ ཡུ་ཨེཛ་ལུ་ར་ སྡོད་ནུག་ཟེར་ བཀོད་འདུག་པའི་གནས་ཚུལ།