གཱ་ཟའི་སློབ་ཕྲུག་ཚུ་ ཡུ་ཀེ་རྒྱལ་ཁབ་ནང་ དཔེ་ཆ་ལྷབ་སྦྱང་གི་གནང་བ།

བི་བི་སི།

ཡུ་ཀེ་གཞུང་གིས་ རྒྱལ་སྤྱིའི་སློབ་ཕྲུག་ཚུ་ལུ་ མ་དངུལ་གྱི་ རྒྱབ་སྐྱོར་གནང་སྲོལ་ཡོད་མི་ ཤེ་ཝི་ནིང་ འཆར་གཞིའི་འོག་ལུ་ པེ་ལིཛ་ཊིན་གྱི་ ཁྲོམ་ཚོགས་གཱ་ཟ་ལས་ སློབ་ཕྲུག་ ༩ ལུ་ ལོ་ངོ་ ༡ གི་རིང་ མཐོ་རིམ་གོང་མའི་ ཤེས་ཡོན་ལྷབ་ནིའི་དོན་ལུ་ གྲོགས་རམ་བྱིན་ནི་ཨིན་པས་ཟེར་ སྤྱི་ཟླ་ ༨ པའི་ཚེས་ ༢༦ ལུ་ བི་བི་སིའི་ གནས་ཚུལ་ནང་བཀོད་ནུག།

དེ་མ་ཚད་ ནང་སྲིད་དྲུང་ཆེན་གྱིས་ སློབ་ཕྲུག་གཞན་མི་ ༣༠ དེ་ཅིག་ལུ་ཡང་ སྒེར་གྱི་ལས་འཆར་གཞན་ཚུ་གི་ཐོག་ལས་ མ་དངུལ་ཡོངས་རྫོགས་ཀྱི་ གྲོགས་རམ་འབད་ནི་གི་ འཆར་གཞི་ཡང་ ཆ་འཇོག་འབད་ཡི་ཟེར་ཨིན་པས།

སྤྱི་ལོ་ ༢༠༢༣ ལུ་ ཧ་མཱཛ་དང་ ཨིཛ་རེལ་གྱི་བར་ན་ དམག་འཁྲུག་འགོ་བཙུགས་པའི་ཤུལ་ལས་ གཱ་ཟའི་སློབ་ཕྲུག་ཚུ་ ཡུ་ཀེ་ལུ་ ཤེས་ཡོན་ལྷབ་པར་འགྱོ་མི་ འགོ་དང་པ་ཨིནམ་ལས་ ཨིཛ་རེལ་གྱིས་ཡང་ སློབ་ཕྲུག་ཚུ་གིས་ ས་ཁོངས་དེ་ བཀོ་བཞག་ཆོག་པའི་ ཁས་ལེན་འབད་དགོ་ཟེར་བཀོད་ནུག།

དེ་མ་ཚད་ སློབ་ཕྲུག་ཚུ་ དམག་འཁྲུག་གི་ས་ཁོངས་ལས་ ཉེན་མེད་ཀྱི་ ས་ཁར་བསྐྱལ་ནི་ལུ་ཡང་ གྲ་སྒྲིག་གི་ གདོང་ལན་སྦོམ་སྦེ་ར་ འབྱུང་ནི་ཨིན་པས་ཟེར་ བཀོད་འདུག་པའི་གནས་ཚུལ།