མཐའ་ཡས་ལེན་གྱི་ རྩ་ཁྲིམས་ཅན་གྱི་ ཁྲིམས་འདུན་ལས་ བློན་ཆེན་ཕྱིར་དབྱུངས།

བི་བི་སི།
མཐའ་ཡས་ལེན་གྱི་ བློན་ཆེན་དེ་ རྩ་ཁྲིམས་ཅན་གྱི་ ཁྲིམ་འདུན་ལས་ ཕྱིར་དབྱུངས་འབད་བ་ལུ་བརྟེན་ཏེ་ རྒྱ་ཁབ་ནང་གི་ སྲིད་དོན་ཚོགས་པ་ དབང་ཤུགས་ཅན་ལུ་ ཐོ་ཕོག་པའི་ཁར སྲིད་འབྲེལ་གྱི་ གནས་སྟངས་དེ་ཡང་ ངེས་མེད་ལུ་ གྱུར་ཡོདཔ་ཨིན་པས།
དེ་ཡང་ བློན་ཆེན་པེ་ཏོང་ཏ་རཱན་ ཤི་ན་ཝ་ཏ་ར་གིས་ ཀམ་བོ་ཊི་ཡའི་ འགོ་ཁྲིད་བགྲེསཔ་ ཧུན་སེན་དང་གཅིག་ཁར་ བརྒྱུད་འཕྲིན་ཐོག་ལས་ གསུང་གྲོས་གནང་པའི་སྐབས་ལུ་ ཨ་ཞང་ཟེར་ འབོ་ཡོད་མི་དང་ མཐའ་ཡས་ལེན་གྱི་ དམག་སྡེ་ལུ་ སྐྱོན་བརྗོད་འབད་བའི་ཁར་ ཀམ་བོ་ཌི་ཡ་དང་གཅིག་ཁར་ཡང་ ས་མཚམས་ཀྱི་ བྱེལཝ་ཚུ་དང་འབྲེལ་བའི་ གནད་དོན་ཚུ་ལུ་བརྟེན་ཏེ་ ཕྱིར་དབྱུངས་འབད་ནུག།
ད་རེས་ བློན་ཆེན་བགྲེསཔ་ ཐག་སིན་ཤི་ན་ཝ་ཏ་ར་གི་བུམོ་ བློན་ཆེན་པེ་ཏོང་ཏ་རཱན་ ཕྱིར་དབྱུངས་འབད་མི་དེ་ཡང་ སྤྱི་ལོ་ ༢༠༠༨ ལས་ འགོ་བཟུང་སྟེ་ ད་ཚུན་གྱི་བར་ན་ བློན་ཆེན་ཕྱིར་དབྱུངས་འབད་མི་ ཐེངས་ ༥ པ་ཨིན་པས།
ད་རེས་ བློན་ཆེན་ཤི་ན་ཝ་ཏ་ར་གིས་ ཀུན་སྤྱོད་རྣག་གཞག་ལས་འགལ་བའི་ ལཱ་བྱ་འཐབ་མི་ལུ་བརྟེན་ཏེ་ སྤྱི་ཟླ་ ༨ པའི་ཚེས་ ༢༩ ལུ་ རྩ་ཁྲིམས་ཅན་གྱི་ ཁྲིམས་ཁང་ནང་ དྲང་དཔོན་ ༩ ཡོད་ས་ལས་ དྲང་དཔོན་ ༦ གིས་ ཕྱིར་དབྱུངས་འབད་ནི་ལུ་ རྒྱབ་སྐྱོར་འབད་ནུག་ཟེར་ བཀོད་འདུག་པའི་གནས་ཚུལ།

Please follow and like us: