མི་རྗེ་བློན་ཆེན་གྱིས་ རྒྱ་གར་གྱི་ ཕྱི་འབྲེལ་བློན་པོ་དང་ མཇལ་ཕྲད་ཐོག་ལུ་ གོང་འཕེལ་ལས་སྣའི་གསུང་གྲོས།

པདྨ་དབང་འདུས།
སྤྱི་ཟླ་ ༩ པའི་ཚེས་ ༥ གི་ཕྱི་རུ་ རྒྱ་གར་གྱི་ ཕྱི་འབྲེལ་བློན་པོ་ ཌོག་ཊར་ཨེཛ་ ཇའི་ཤང་ཀར་གྱིས་ མི་རྗེ་བློན་ཆེན་གྱི་ སྐུ་མདུན་ལུ་ བཅར་ཡོདཔ་ད་ དེ་བསྒང་ རྒྱ་གཞུང་གི་ རྒྱབ་སྐྱོར་ཐོག་ལུ་ ལག་ལེན་འཐབ་མི་ འཆར་གཞི་ ༡༣ པའི་ ལས་འགུལ་ཚུ་དང་ མཐའ་དོན་གཅིག་པའི་ གནད་དོན་ཚུ་གི་སྐོར་ལས་ གསུང་གྲོས་ཚུ་གནང་ནུག།
དེ་མ་ཚད་ ཆུར་བརྟེན་ནུས་ཤུགས་ཀྱི་ མཉམ་འབྲེལ་དང་ མཐུད་འབྲེལ་ཅན་གྱི་ གསར་བཏོད་ལས་དོན་ དེ་ལས་ དཔལ་འབྱོར་མཉམ་འབྲེལ་དང་ མི་སེར་གྱི་བར་ན་ བརྗེ་སོར་ལས་རིམ་ཚུ་གི་སྐོར་ལས་ཡང་ གསུང་གྲོས་ཚུ་ གནང་ཡོདཔ་ཨིན་པས།
དེ་ཁ་ལུ་ དགེ་ལེགས་ཕུག་ དྲན་ཤེས་ཁྲོམ་ཚོགས་དང་འདྲ་བའི་ འབྲུག་གི་གོང་འཕེལ་གྱི་ གཙོ་རིམ་ཚུ་དང་ ཚོང་འབྲེལ་ལུ་ མཐུན་རྐྱེན་སྦྱར་ནི་དང་ ལམ་སྲོལ་གྱི་འབྲེལ་བ་ཚུ་གི་སྐོར་ལས་ཡང་ ཐུགས་འཆར་ཚུ་ བརྗེ་སོར་གནང་ཡོད་པའི་གནས་ཚུལ།

Please follow and like us: